अनैतिक प्रेमसंबंधाचा संशय, नवऱ्याने बायकोचा कोयत्याने गळा चिरला, रात्रभर मृतदेहाशेजारी..

हे ही वाचा : हॉटेलमध्ये 8 तरूण अन् तरूणी मद्यधुंद, डान्सरसह वेश्यव्यवसाय..

पत्नीच्या चारित्र्यावर नवऱ्याचा संशय अन् पत्नीची हत्या 

स्थानिक सूत्रांच्या माहितीनुसार, आरोपी पती गगन मांझी याला पत्नी उगनी देवीच्या चारित्र्यावर संशय बळावला होता. याच कारणाने दोघांमध्ये सातत्याने वाद व्हायचे. बुधवारी सकाळी याच मुद्द्यावरून त्यांचा मोठा वाद झाला, हा वाद इतका वाढला की, संतापलेल्या गगन मांझीने कोयता उचलून पत्नीचा गळाच चिरला. या हल्ल्यात भीषण रक्तस्त्राव होऊन महिलेचा जागीच मृत्यू झाला. 

रक्तात माखलेल्या मृतदेहाशेजारीच नवरा बसून राहिला

या संपूर्ण घटनेत धक्कादायक बाब अशी की, पत्नीची निर्घृणपणे हत्या करूनही आरोपी घटनास्थळावरून पळून गेला नाही. रक्तात माखलेल्या मृतदेहाशेजारीच तो बसून राहिला होता. पहाटे गावकऱ्यांना घटनेची माहिती मिळाल्यानंतर घटनास्थळी मोठी गर्दी वाढली. 

हे ही वाचा : पैसे देण्यास नकार, डोक्यात तिडीक उसळताच MBBS विद्यार्थ्याची हत्या

संबंधित घटनेची माहिती स्थानिकांनी खैरा पोलिसांना दिली. या घटनेची माहिती मिळताच, पोलिसांचे पथक घटनास्थळी दाखल झाले आणि ममृतदेहाशेजारी बसलेल्या आरोपी पती गगन मांझीला अटक केली. पोलिसांनी मृतदेह ताब्यात घेत शवविच्छेदनासाठी जमुई सदर रूग्णालयात पाठवण्यात आला. प्रकरणाचे गांभीर्य लक्षात घेत प्रकरणाचा पोलिसांनी सखोल तपास करण्यास सुरूवात केली आहे.