मोलकरणीने निवृत्त कॅप्टनच्या पत्नीला संपवलं, नवरा अन् मुलाच्या मदतीने रचला कट

हेही वाचा : खाकी वर्दीला काळिमा! पोलीस कॉन्स्टेबलकडून स्मशानभूमीत 10 वर्षाच्या मुलीवर अत्याचार

मृतदेह शेजाऱ्याच्या घराच्या छतावर नेऊन चादरीने झाकला

समोर आलेल्या सीसीटीव्ही फुटेजमध्ये घरात काम करणारी मोलकरीण सुनीता देवी आणि तिचा मुलगा नीरा मेहता यांचा मृतदेह घराबाहेर नेत असल्याचे दिसत असल्याचा पोलिसांचा दावा आहे. त्यानंतर दोघांनी मृतदेह शेजाऱ्याच्या घराच्या छतावर नेऊन चादरीने झाकून ठेवला, जेणेकरून कोणालाही संशय येऊ नये, अशी माहिती तपासातून समोर आली आहे. पोलिसांच्या म्हणण्यानुसार, हत्या झाल्यानंतर आरोपींनी पुरावे नष्ट करण्याचा आणि संपूर्ण घटना लपवण्याचा प्रयत्न केला होता. मृतदेह शेजाऱ्याच्या छतावर लपवण्याची योजना ही देखील या कथित कटाचाच एक भाग होती, असे तपासात नमूद करण्यात आले आहे.

हेही वाचा : 'शिंदे, फडणवीसांचे आमदार पाडण्याची क्षमता...' जरांगेंचा इशारा, नेमकं काय म्हणाले?

पती आणि मुलाच्या मदतीने रचला कट 

पोलिस तपासादरम्यान या हत्येमागे जुना वाद असल्याचेही समोर आले आहे. यापूर्वी घरात झालेल्या चोरीच्या घटनेत घरकाम करणाऱ्या महिलेवर संशय व्यक्त करण्यात आला होता. तिला वारंवार चोर म्हणून संबोधले जात असल्याने तिच्या मनात तीव्र नाराजी निर्माण झाली होती आणि त्यातूनच सूडाची भावना वाढीस लागल्याचा आरोप आहे. पोलिसांच्या तपासानुसार, सुनीता देवीने हा कट एकटीने नव्हे, तर तिचा पती आणि मुलाच्या मदतीने रचला. तिघांनी मिळून नीरा मेहता यांची हत्या केली आणि त्यानंतर मृतदेह लपवून पोलिसांची दिशाभूल करण्याचा प्रयत्न केला. मात्र, सीसीटीव्ही कॅमेऱ्यांमध्ये कैद झालेल्या दृश्यांमुळे त्यांची योजना उधळल्याचा पोलिसांचा दावा आहे.

प्रकरणाचा उलगडा झाल्यानंतर पंचकुला पोलिसांनी सुनीता देवी, तिचा पती आणि मुलाला अटक केली आहे. चौकशीदरम्यान तिघांनी गुन्ह्याची कबुली दिल्याचा दावा पोलिसांनी केला आहे. आरोपींकडून मिळालेल्या माहितीनुसार तपासाला अंतिम स्वरूप दिले जात असून, तांत्रिक आणि न्यायवैद्यक पुराव्यांचीही पडताळणी सुरू आहे. सीसीटीव्ही फुटेज, आरोपींची कथित कबुली आणि उपलब्ध इतर पुराव्यांच्या आधारे मजबूत खटला उभा केला जात असल्याचे पोलिसांनी सांगितले आहे. तपास जवळपास पूर्ण झाला असून, लवकरच आरोपींविरोधात न्यायालयात भक्कम आरोपपत्र दाखल करण्यात येणार असल्याचेही पोलिसांनी स्पष्ट केले आहे.