NCPची युवती, फार्महाऊसवर शारीरिक संबंध आणि झेडपीच्या सभेत गोंधळ

हेही वाचा : नागपूर : 16 वर्षीय मुलीला ओलीस ठेवून बलात्कार, 19 वर्षीय नराधमाला अटक; लॉकअपमध्ये पिझ्झाची मागणी

फार्महाऊसवर नेऊन लग्नाचे आमिष दाखवत शारीरिक संबंध

महिलेच्या म्हणण्यानुसार, विवाहानंतरही मंगेश जगताप यांनी तिच्याशी पुन्हा संपर्क साधला. आईला कर्करोग झाल्याचे सांगून त्यांनी संवाद सुरू केला आणि नंतर पत्नीसोबत राहत नसल्याचा तसेच लवकरच घटस्फोट घेणार असल्याचा दावा केला. त्यानंतर घटस्फोटाशी संबंधित असल्याचे सांगितलेली काही कागदपत्रे, प्रतिज्ञापत्र आणि इतर दस्तावेज दाखवून तिचा विश्वास संपादन करण्यात आला. त्याचबरोबर पत्नी आणि काही मित्रांमार्फतही घटस्फोट होणार असल्याचे सांगण्यात आल्याचा आरोप महिलेने केला आहे. या विश्वासाच्या आधारे फार्महाऊसवर नेऊन लग्नाचे आमिष दाखवत तिच्याशी शारीरिक संबंध प्रस्थापित करण्यात आले, असा आरोप तिने एफआयआरमध्ये केला आहे.

हेही वाचा : वेदर रिपोर्ट : अरबी समुद्रात नैऋत्य वारे अ‍ॅक्टिव्ह, महाराष्ट्रावर धडकणार; कुठे कुठे अलर्ट?

नैराश्यातून अंगावर पेट्रोल ओतून आत्मदहनाचा प्रयत्न

तक्रारीनुसार, 2012 ते 2026 या कालावधीत लग्नाचे आश्वासन देत तिची फसवणूक करण्यात आली. याच काळात आरोपीने वेळोवेळी आठ ते दहा लाख रुपये घेतल्याचाही आरोप महिलेने केला आहे. काही दिवसांपूर्वी आपली फसवणूक झाल्याची खात्री झाल्यानंतर जिल्हा परिषदेच्या सर्वसाधारण सभेत मंगेश जगताप उपस्थित राहणार असल्याची माहिती मिळाल्याने ती त्यांना भेटण्यासाठी गेली. मात्र ते तिला पाहताच तेथून निघून गेल्याचा दावा तिने केला आहे. त्यानंतर नैराश्यातून तिने अंगावर पेट्रोल ओतून आत्मदहनाचा प्रयत्न केला. या घटनेनंतर तिला रुग्णालयात दाखल करण्यात आले आणि प्रकृती स्थिर झाल्यानंतर तिचा जबाब नोंदवून एफआयआर दाखल करण्यात आला.

या प्रकरणाची न्यायालयात सुनावणी झाली असून संबंधित जिल्हा परिषद सदस्याला अंतरिम जामीन मंजूर करण्यात आला आहे. सुनावणीदरम्यान महिलेच्या वकिलांनी आरोपीने दाखवलेली घटस्फोटाशी संबंधित कागदपत्रे बनावट असल्याचा दावा केला. त्या कथित बनावट कागदपत्रांच्या आधारे महिलेचा विश्वास संपादन करण्यात आल्याचे न्यायालयासमोर मांडण्यात आले. या प्रकरणाची पुढील सुनावणी 12 तारखेला होणार आहे. दरम्यान, या घटनेचे पडसाद बारामतीच्या राजकारणातही उमटल्याची चर्चा असून प्रकरणाचा राजकीय स्तरावरही उल्लेख होत आहे. मात्र या सर्व आरोपांची सत्यता न्यायालयीन प्रक्रियेनंतरच स्पष्ट होणार आहे.