स्मशानभूमीत आढळला मृतदेह

मिळालेल्या माहितीनुसार, 1 नोव्हेंबरच्या संध्याकाळी पुजारी मंदिराबाहेर पडले पण घरी परतले नाहीत. दुसऱ्या दिवशी, 2 नोव्हेंबर रोजी गावातील स्मशानभूमीतील एका झाडाला त्यांचा मृतदेह लटकलेला आढळला. त्यांच्या शरीरावर धारदार शस्त्रांच्या जखमा होत्या, ज्यामुळे कुटुंबीयांनी हत्येचा संशय व्यक्त केला आणि पोलिसांनी तात्काळ तपासासाठी विशेष पथक (SIT) नेमले.

हे ही वाचा : Govt Jobs : इंडियन ऑईलमध्ये मोठी भरती, काय आहेत पात्रतेचे निकष? जाणून घ्या सविस्तर

हत्या का केली?

पोलिसांनी तांत्रिक पुरावे आणि फॉरेन्सिक तपासानंतर अनंतलाल मंडल याला चौकशीसाठी ताब्यात घेतले. चौकशीदरम्यान त्याने आपल्या दोन मुलांसह मिळून पुजाऱ्याची हत्या केल्याची कबुली दिली. एका वर्षापूर्वी त्याच्या नातवाचा मृत्यू झाला होता, ज्याचा बदला घेण्यासाठी त्यांनी पुजाऱ्याला स्मशानभूमीत नेऊन धारदार चाकूने त्यांची हत्या केल्याचं आरोपीने सांगितलं.

हे ही वाचा : कंडका पाडणे म्हणजे नक्की काय? सतेज पाटलांनी सांगितला अर्थ

आरोपीच्या घरात सापडसे पुरावे

पोलिसांनी मुख्य आरोपी अनंतलालला अटक केली असून त्याच्या दोन्ही मुलांच्या शोधासाठी शोधमोहीम सुरू आहे. पोलिसांनी आरोपीच्या घरातून पुजाऱ्याची माळ आणि हत्येत वापरलेला चाकू देखील जप्त केला आहे. बारसोईचे डीएसपी मंगलेश कुमार सिंह यांनी या घटनेची पुष्टी केली असून पुढील कायदेशीर कारवाई सुरू आहे.