नागपूर: सुनेनं सासूचं सोनं केलं चोरी अन् विकत घेतला iPhone नंतर..

हे ही वाचा : लातूरमध्ये संपत्तीवरून वाद, दुसऱ्या बायकोच्या 7 वर्षीय मुलाची बापानं केली हत्या

सुनेनं सासूचे चोरले दागिने 

ग्रंथली ही कधी माहेरी तर कधी सासरी राहायची. या कौटुंबिक वादातून घरातील दागिने गायब झाल्याची घटना आहे. ही घटना 27 जुलै 2026 रोजी घडली होती. फिर्यादी सासूला शिर्डी दर्शनासाठी जायचे होते. तिला सोने परिधान करण्यास हवे असल्याने तिने कपाट उघडले असता, कपाटात सोनेच आढळून आले नाही. हे बघताच सासूच्या पायाखालची जमीन सरकली. 

दागिने विकून आयफोन घेतला विकत 

यानंतर कुटुंबातील सर्वच सदस्यांना दागिन्यांबाबत विचारण्यात आले, मात्र कोणालाच दागिने चोरीला गेलेत हे ठाऊक नव्हते. त्यानंतर ग्रंथलीला खडसावले असता, तिने दागिने विकून आयफोन मोबाइल फोन खरेदी केल्याचे कबूल केले होते. चोरी केलेल्या दागिन्यात 30 ग्रॅमचे मंगळसूत्र, 13 ग्रॅम सोन्याचा हार, इतर 10 ग्रॅस सोन्याचा समावेश होता. या एकूण सोन्यांचा अंदाजे खर्च हा 2 लाख 50 हजार रुपये असल्याची शक्यता आहे. 

हे ही वाचा : छत्रपती संभाजीनगर: रोहित पठारे तरुणाला अमानुष मारहाण अन् मृत्यू, 10 जण अटकेत

तक्रारदाराने तिच्या सुनेला सोन्याचे दागिने परत करण्यास सांगितले असता, तिने दागिने परत करण्यास नकार दिला. अखेर तक्रारदाराने पोलिसात धाव घेत गुन्हा दाखल केला. शांतीनगर पोलिसांनी आरोपी सुनेविरुद्ध गुन्हा दाखल करून पुढील तपास सुरू केला आहे.