पोलिसांसमोर आरोपीचा उद्दामपणा

या प्रकरणाच्या तपासादरम्यान आरोपी पोलिसांना सहकार्य करत नसल्याची धक्कादायक माहिती समोर आली आहे. आरोपीने पोलिसांकडे तपास प्रक्रियेसाठी आवश्यक असलेली वैद्यकीय चाचणी करून घेण्यास नकार दिला. तसेच, त्याच्याकडे असलेल्या स्वतःच्या मोबाईलचा आणि पीडितेच्या मोबाईलचा पासवर्ड सांगण्यासही त्याने स्पष्ट शब्दांत नकार दिला. पीडितेच्या अटकेच्या काळात हे दोन्ही फोन आरोपीच्याच ताब्यात होते. आरोपीने अल्पवयीन मुलीला अमली पदार्थ मिसळलेली चॉकलेट खाऊ घालून तिच्यावर अत्याचार केले आणि या संपूर्ण कृत्याचे व्हिडिओ आणि आक्षेपार्ह फोटो काढून तिला ब्लॅकमेल केल्याचा आरोप आहे.

हे ही वाचा : सुनावणीत आरोप-प्रत्यारोप, राऊतांचा बाहेर येत इशारा, मागे सरोदे; काय झालं?

खायला पिझ्झा हवा

तपासात अडथळे आणण्यासोबतच आरोपी पोलीस कोठडीतील सुविधांबाबत नवनवीन मागण्या आणि तक्रारी करत आहे. त्याने लॉकअपच्या परिस्थितीवर आक्षेप घेतला असून पिझ्झा, प्रीमियम दर्जाचे जेवण, झोपण्यासाठी गादी आणि डास पळवणाऱ्या साधनांची मागणी पोलिसांकडे केली आहे. याशिवाय, लॉकअपच्या अस्वच्छ भिंती आणि अस्वच्छ शौचालयांवरही त्याने नाराजी व्यक्त केली आहे. पोलिसांच्या तावडीत असतानाही आरोपीचे हे उद्दाम वर्तन आणि असहकार्याची भूमिका यामुळे तपास यंत्रणांपुढे आव्हान निर्माण झाले आहे.

हे ही वाचा : Maharashtra Weather : पुढील काही तास धोक्याचे, 'या' जिल्ह्यांचं काही खरं नाही, IMD चा अलर्ट

पोलीस काय करताहेत?

सध्या हुडकेश्वर पोलीस या प्रकरणाचा अधिक तपास करत असून आरोपीकडून मोबाईलचे पासवर्ड मिळवणे आणि घटनेशी संबंधित सर्व पुरावे गोळा करण्याचे काम वेगाने सुरू आहे. पीडित मुलीवर झालेल्या या अत्याचाराच्या घटनेमुळे नागपूर शहरात संतापाची लाट उसळली आहे. आरोपीने गुन्ह्याचे व्हिडिओ आणि फोटो बनवून पीडितेला मानसिक आणि शारीरिकदृष्ट्या खचवण्याचा प्रयत्न केल्याने, त्याला कठोर शिक्षा व्हावी अशी जोरदार मागणी सर्व स्तरातून केली जात आहे.