दुर्मिळ शक्तीवर्धक गोळ्या देतो म्हणून 48 लाख उकळले, '420' गुरुजीची पोलखोल, दोघांना अटक

पोलिसांनी दोघांच्या ताब्यातून 17 प्रकारच्या बनावट आयुर्वेदिक औषधे, तब्बल 19.50 लाख रुपये रोख रक्कम आणि एक टेम्पो ट्रॅव्हलर जप्त केला आहे. या औषधांची किंमतच जवळपास 23.50 लाख रुपये असल्याचा पोलिसांचा अंदाज आहे. तपासात समोर आले की, हे टोळकं कर्नाटक, आंध्र प्रदेश, तेलंगणा अशा अनेक राज्यांत फिरत फिरत अशाच प्रकारे "ट्रॅव्हलिंग क्लिनिक" उभारून लोकांना लुटत होते.

तक्रारीनंतर भांडाफोड

22 नोव्हेंबर रोजी व्हाइट फील्डमध्ये राहणाऱ्या एका व्यक्तीने ज्ञानभारती पोलीस ठाण्यात तक्रार दाखल केली. विवाहानंतर त्याला गुप्तांगाच्या क्षमतेसंबंधी त्रास जाणवत होता. उपचाराच्या शोधात तो एका कॉलेजजवळ लावलेल्या आयुर्वेदिक उपचाराच्या टेंटमध्ये गेला. टेंटमध्ये असलेल्या व्यक्तीने त्याला "गुरुजी" यांच्या प्रीमियम औषधांचा हवाला देऊन विश्वासात घेतले.

हेही वाचा : बलात्कार झाल्यानंतर मुलीने भितीपोटी शिक्षण थांबवलं, बीडमधील धक्कादायक प्रकार; नेमकं काय घडलं?

थोड्याच वेळात गुरुजीच्या भूमिकेत असलेला विजय चितोदिया आला आणि प्रति ग्रॅम 1 ते 2 लाख रुपये किंमत असलेली दुर्मिळ औषध असल्याचा दावा करत पीडिताला जाळ्यात ओढले. त्याच्या भ्रमात पीडिताने एकूण 48 लाख रुपये देऊन ती औषधं घेतली. मात्र औषध घेतल्यानंतर त्याची प्रकृती आणखी बिघडली आणि त्याला स्वतःची फसवणूक झाल्याचे लक्षात आले.

तेलंगणातून अटक; फसवणूक करणाऱ्या नेटवर्कचा पर्दाफाश

तक्रार मिळताच पोलिसांनी तातडीने तपास सुरू केला. तपासात विजय चितोदिया वेगवेगळ्या राज्यांत फिरून स्वतःला गुरुजी असल्याचं सांगायचा. मात्र, तंबू लावून लोकांची फसवणूक करतो, हे स्पष्ट झाले. 27 नोव्हेंबर रोजी पोलिसांनी त्याला तेलंगणातील महबूबनगरमध्ये पकडले. चौकशीत त्याने गुन्ह्याची कबुली दिल्यानंतर साथीदार मनोजला 1 डिसेंबर रोजी साइबराबादमधून अटक करण्यात आली.

हा गट बराच काळ राज्यागणिक फिरत आर्थिकदृष्ट्या कमजोर, वैयक्तिक समस्यांनी त्रस्त आणि उपचाराच्या शोधात असलेल्या लोकांना लक्ष्य करत होता. रस्त्याच्या कडेला तंबू, पांढरे कपडे, आयुर्वेदाचा दावा आणि गुरुजीची नाटकी एंट्री—या साऱ्या अभिनयाच्या जोरावर ते लोकांचे लाखो रुपये उकळत होते. पोलिसांनी नागरिकांना अशा फिरत्या उपचार केंद्रांपासून सावधान राहण्याचे आवाहन केले आहे.

इतर महत्त्वाच्या बातम्या

मुंबई : फेसबुकवर मैत्री, नंतर महिलेचा whatsapp वर अर्धनग्न होऊन व्हिडीओ कॉल, अन् व्हायरलची धमकी देत लुटलं