'सिलेंडर आणायचाय? चला सोडतो', शेजाऱ्याने लिफ्ट देण्याच्या बहाण्याने महिलेला मित्राच्या घरी नेलं अन्...

हेही वाचा : अल्पवयीन मुलीची सामूहिक बलात्कार करुन हत्या, कुत्र्यांनी तोडले मृतदेहाचे लचके

मद्यपान करुन महिलेशी गैरवर्तन, दुसऱ्याकडून अत्याचार 

तक्रारीनुसार, संबंधित महिला गॅस सिलिंडर भरण्यासाठी जात होती. त्यावेळी तिच्या शेजारी राहणाऱ्या एका नराधमाने तिला मोटारसायकलवरून लिफ्ट देण्याची ऑफर दिली. महिलेने त्याच्यावर विश्वास ठेवून त्याच्यासोबत जाण्याचे मान्य केले. मात्र, संबंधित ठिकाणी नेण्याऐवजी त्याने तिला आपल्या दुसऱ्या मित्राच्या घरी नेले. तेथे दोन्ही पुरुषांनी मद्यपान केल्याचे महिलेने पोलिसांना सांगितले. त्यानंतर त्यातील एका व्यक्तीने तिच्याशी गैरवर्तन केल्याचा, तर दुसऱ्याने तिच्यावर लैंगिक अत्याचार केल्याचा आरोप महिलेने केला आहे.

हेही वाचा : मतं पक्षाला की आमदाराला? कोर्टाने निवडणूक आयोगाला या मुद्द्यात कसं पकडलं?

दोन्ही आरोपींनी तिला जीवे मारण्याची धमकी दिल्याचा आरोप

महिलेने विरोध केला असता दोन्ही आरोपींनी तिला जीवे मारण्याची धमकी दिल्याचा आरोप तक्रारीत करण्यात आला आहे. घटनेनंतर महिला आपल्या घरी परतली आणि तिने कुटुंबीयांना याबाबत माहिती दिली. त्यानंतर तिने पोलिसांकडे लेखी तक्रार दाखल केली. तक्रार मिळाल्यानंतर पोलिसांनी दोन्ही आरोपींविरोधात संबंधित कायदेशीर तरतुदींनुसार गुन्हा नोंदवला. वरिष्ठ पोलिस अधिकाऱ्यांनी घटनास्थळी भेट देऊन पाहणी केली. बांदा येथील अतिरिक्त पोलीस अधीक्षक मॅव्हिस टोक यांनी मातौंध पोलीस ठाण्याच्या हद्दीत प्रौढ विवाहित महिलेवर तिच्या शेजारी राहणाऱ्या दोन परिचितांनी लैंगिक अत्याचार केल्याची माहिती मिळाल्याचे सांगितले.

पोलिसांनी दिलेल्या माहितीनुसार, महिलेची वैद्यकीय तपासणी करण्यात आली असून तिचा जबाब न्यायालयासमोर नोंदवण्यात आला आहे. प्रकरणातील दोन्ही आरोपींना अटक करण्यात आल्यानंतर त्यांना कारागृहात पाठवण्यात आले आहे. या प्रकरणाचा पुढील तपास सुरू असून तपासातून समोर येणाऱ्या बाबी आणि जमा करण्यात आलेल्या इतर पुराव्यांच्या आधारे पुढील कायदेशीर कारवाई केली जाणार असल्याचे पोलिसांनी सांगितले आहे. उत्तर प्रदेशातील बांदा जिल्ह्यातून ही घटना समोर आलीये.