माझा बॉयफ्रेंडही आपल्यासोबत राहणार, बायकोने ठेवली अट; पुढे काय घडलं?

हेही वाचा : समजून घ्या: युतीचा इतिहास आणि 'ती' भळभळीत जखम, शिंदेंना का करावी लागते दिल्लीवारी?

अनैतिक अटीचा विरोध केल्याने पतीवर प्राणघातक हल्ला

घरी परतल्यानंतर पूनमने राजकुमारसमोर एक अत्यंत धक्कादायक आणि अनैतिक अट ठेवली. तिचे म्हणणे असे होते की, जर राजकुमारला तिला पुन्हा आपल्यासोबत ठेवायचे असेल, तर तिच्या प्रियकराला, म्हणजे आशुलाही त्याच घरात आणि त्याच छताखाली राहण्याची परवानगी द्यावी लागेल. पती आणि प्रियकर या दोघांनीही एकाच घरात एकत्र राहावे, ही अट राजकुमारला कोणत्याही परिस्थितीत मान्य नव्हती. त्याने या अनैतिक मागणीला कडाडून विरोध केला, ज्यामुळे त्यांच्या घरात दररोज वादाची आणि तणावाची परिस्थिती निर्माण झाली होती. 

हेही वाचा : समजून घ्या: युतीचा इतिहास आणि 'ती' भळभळीत जखम, शिंदेंना का करावी लागते दिल्लीवारी?

राजकुमार रक्ताच्या थारोळ्यात पडला, नेमकं काय घडलं? 

दरम्यान, 5 मे रोजी सकाळी पूनम पुन्हा एकदा घरातून निघून गेली आणि दुपारी परतल्यावर तिने राजकुमारला खोट्या केसमध्ये अडकवण्याची धमकी दिली. या वादादरम्यान तिचा राग अनावर झाला आणि तिने जवळच पडलेली एक मोठी वीट उचलून राजकुमारच्या डोक्यात जोरात मारली. या हल्ल्यानंतर राजकुमार रक्ताच्या थारोळ्यात पडला. राजकुमारला जखमी अवस्थेत सोडून पूनमने संधी साधली आणि घरातील सोन्या-चांदीचे सर्व दागिने, मोठी रोख रक्कम आणि आपल्या चारही मुलांना सोबत घेऊन घर सोडले. जाताना तिने राजकुमारला पुन्हा कधीही न दिसण्याची आणि जीवे मारण्याची धमकी दिली. आपल्या मुलांच्या सुरक्षेची चिंता वाटत असतानाच पत्नीने केलेल्या या विश्वासघातामुळे राजकुमार हतबल झाला आहे. या घटनेची सखोल चौकशी करण्याचे आश्वासन पोलिसांनी दिले असून, आरोपी पत्नी, तिची मुले आणि प्रियकराचा शोध घेण्यासाठी पथके रवाना केली आहेत. ही संपूर्ण धक्कादायक घटना मध्य प्रदेशातील ग्वाल्हेरमध्ये घडली आहे.