बायकोचं दुसऱ्याच पुरुषावर प्रेम, नवऱ्याला करंट देऊन... मोठं कांड

हे ही वाचा : पुण्याची गोष्ट : 15 जूनपर्यंत नालेसफाई करण्याचे लक्ष, पुणे महापालिकेची कसोटी

पत्नीसह चार आरोपींना अटक

बांदे पोलिसांनी खुनाची सूत्रधार पत्नीसह चार आरोपींना अटक केली. या प्रकरणात बांदे परिसरात दल्लीराजहरा येथील रहिवासी असलेल्या मृत व्यक्ती मुकेश विश्वासचा मृतदेह अत्यंत संशयास्पद परिस्थिती आढळून आला होता. प्राथमिक तापासातून घटनास्थळी कोणताही प्रत्यक्षदर्शी किंवा ठोस पुरावा उपलब्ध नव्हता, ज्यामुळे हे प्रकरण गोंधळात टाकणारे ठरले. 

मुकेशला विजेचा झटका

दरम्यान, शवविच्छेदन अहवालातून धक्कादायक सत्य उघडकीस आलं आहे. मुकेशचा मृत्यू हा विजेचा झटका लागल्याने झाला होता. त्याच्या बोटांवर आणि हातांवर खोलवर जखमांच्या खुणा होत्या. या अहवालानंतर, पोलिसांनी मृताच्या कौटुंबिक आणि वैयक्तिक संबंधांचा उलगडा करण्यास सुरूवात केली, ज्यामुळे तपासाची संपूर्ण दिशा बदलून गेली. या प्रकरणात तांत्रिक विश्लेषन आणि कॉल डिटेल्सच्या तपासणीतून असे उघडकीस आले की, मृताची पत्नी सरस्वती बिस्वास हिचे चिकलकासा येथील रहिवासी असलेल्या इंद्रजित दारासोबत बऱ्याचकाळापासून अनैतिक प्रेमसंबंध होते. जेव्हा मुकेश बिस्वासला याची माहिती मिळाली तेव्हा कुटुंबात सतत संघर्ष आणि वादाचे वातावरण निर्माण झाले. 

दारू पाजून बेशुद्ध करत नवऱ्याचा काटा काढला

संबंधित परिस्थिती इतकी बिघडली की, मुकेशने पत्नीपासून कायदेशीर घटस्फोटाची तयारी केली. त्याच्या मार्गातील हा अडथळा दूर करण्यासाठी पत्नीने तिचा प्रियकर इंद्रजितच्या मदतीने, हत्येचा कट रचला होता. कटाचा भाग म्हणून मुकेशला आरोपी रणजितच्या घरी बोलावले, नंतर दारू पाजून बेशुद्ध केले. तो बेशुद्ध झाल्यानंतर मशीनमध्ये वापरलेल्या सर्व्हिस व्हायरमधून उच्च व्होल्टेजचा प्रवास सोडला, ज्यात त्याचा जागीच दुर्दैवी अंत झाला. या खूनानंतर आरोपीने मृतदेह सोडून घटनास्थळावरून पळ काढला. 

हे ही वाचा : Exclusive: 'निष्ठा पराभूत झालेली नाही, निष्ठेची चेष्टा झाली..', NCP चे माजी आमदार कोणावर संतापले?

या प्रकरणात कांकेर पोलिसांनी आरोपींच्या जबानी चौकशीदरम्यान दिलेल्या जबाबाच्या आधारे घटनास्थळाची पुनर्रचना केली, अशातच आरोपींनी आपल्या गुन्ह्याचा कबुलीनामा दिला. पोलिसांनी तपासादरम्यान विजेची तार, मोबाईल फोन आणि पुरावे जप्त केले. आरोपींची ओळख सरस्वती विश्वास (पत्नी), इंद्रजित दास (प्रियकर), सुरेंद्र बच्छड (सहकारी) आणि रणजित सरकार (शेतमालक) अशी पटली.