...तेव्हा आई डान्समध्ये बिझी

घटनेच्या दिवशी चिमुरडा अर्शीद त्याचा सावत्र बाप अश्कर याच्यासोबत घरी होता. अश्कर याने पोलिस आणि रुग्णालयाची दिशाभूल करण्यासाठी एक खोटी कहाणी रचली होती. त्याने सांगितले की, तो मुलाला भात भरवत असताना मुलाने उलट्या केल्या आणि अन्न त्याच्या गळ्यात अडकले. अत्यंत गंभीर अवस्थेत तडफडणाऱ्या बालकाला तातडीने एसएटी (SAT) रुग्णालयात दाखल करण्यात आले, मात्र डॉक्टरांचे सर्व प्रयत्न व्यर्थ ठरले आणि उपचारादरम्यान त्याचा मृत्यू झाला. संतापजनक बाब म्हणजे, जेव्हा हा निष्पाप जीव मृत्यूशी झुंज देत होता, तेव्हा त्याची सख्खी आई अखिला त्याला घरात सोडून तामिळनाडूमध्ये एका 'डान्स प्रोग्राम'मध्ये सहभागी होण्यासाठी गेली होती.

हे ही वाचा : मुलीच्या डॉक्टरकीसाठी जमीन विकली, पण शेतकरी बाप तिची बॉडी घेऊन परतला

निर्दयी दांपत्याची क्रूरता

यानंतर समोर आलेल्या रिपोर्टने काळजाचा थरकाप उडवणाऱ्या हत्याकांड उघडकीस आले. वैद्यकीय अहवालानुसार, बालकाच्या नाजूक शरीरावर मारहाणीचे अनेक जुने व गंभीर व्रण आढळून आले आहेत. यापूर्वीही या लहानग्याचे काही वेदनादायी फोटो समोर आले होते, ज्यामध्ये त्याच्या दोन्ही लहान हातांना प्लास्टर बांधलेले दिसत होते. त्यावेळी अश्कर आणि अखिला या निर्दयी दाम्पत्याने आपली क्रूरता लपवण्यासाठी, मुलगा खेळताना पडल्यामुळे त्याला दुखापत झाल्याचा खोटा दावा केला होता.

हे ही वाचा : संभाजीनगर : 25 वर्षीय तरुणाने 80 वर्षीय वृद्ध महिलेवर केला बलात्कार, पुढे..

आईलाही अटक होणार

या धक्कादायक प्रकारानंतर नातेवाईक आणि कुटुंबीयांनी संशय व्यक्त करत पोलिसांत तक्रार दाखल केली. नातेवाईकांच्या म्हणण्यानुसार, सावत्र पिता अश्कर हा निष्पाप अर्शीदला वारंवार बेदम मारहाण करत असे आणि त्याला असह्य यातना देत असे. पोलिसांनी आता या प्रकरणी खुनाचा गुन्हा दाखल केला असून बालकाचा मृतदेह शवविच्छेदनासाठी तिरुवनंतपुरम मेडिकल कॉलेज रुग्णालयात पाठवला आहे. या प्रकरणी पोलिस अधिक तपास करत असून, लवकरच या क्रूर सावत्र पित्याला आणि निष्काळजी माता अखिला हिला अधिकृतपणे अटक करण्यात येईल, अशी माहिती पोलिसांनी दिली आहे.