मुलीच्या पोटात दुखायला लागलं अन् बापाचं घाणेरडं कृत्य समोर आलं, आईलाही माहिती होतं पण...

हे भयानक रहस्य कसे उघड झाले?

पोटदुखीच्या सतत तक्रारींमुळे आई मुलीला रुग्णालयात घेऊन गेली. तेव्हा ही घटना उघडकीस आली. तपासणीदरम्यान डॉक्टरांना लैंगिक शोषणाचा संशय आला. त्यांनी तातडीने एका स्वयंसेवी संस्थेला याची माहिती दिली आणि स्वयंसेवी संस्थेने पोलिसांना बोलावले.

हे ही वाचा>> 'पती मित्राला घेऊन आला घरी, दोघांचे अश्लील चाळे...', 'त्या' गोष्टीने महिला हादरली!

डीसीपी पश्चिम अमित कुमार बुडानिया म्हणाले की, एका सामाजिक संस्थेने पोलिसांना माहिती दिली की, रुग्णालयात एका महिलेला तिच्या मुलीवरील लैंगिक अत्याचाराबद्दल सांगायचे होते. समुपदेशनादरम्यान, आईने सांगितले की तिने तिच्या पतीला मुलीसोबत अनेक वेळा चुकीचे कृत्य करताना पाहिले होते. पती वर्षानुवर्षे त्याच्या स्वतःच्या मुलीसोबत हे घृणास्पद कृत्य करत होता.

आई गप्प का राहिली?

तपासात असे दिसून आले की, मुलीच्या आईला या क्रूरतेची जाणीव होती, परंतु सामाजिक कलंक आणि तिच्या पतीच्या भीतीने ती गप्प राहिली होती. मुलगी शाळेतही गप्प राहायची. दरम्यान, मुलगी वारंवार पोटदुखीची तक्रार देखील करायची

पोलिसांनी केला गुप्त तपास 

चित्रकूट पोलीस स्टेशनचे प्रभारी अंतिम शर्मा यांनी बलात्काराच्या घटनेबद्दल महिला आणि मुलींचे समुपदेशन केले आणि संपूर्ण प्रक्रिया गुप्त कॅमेऱ्यात रेकॉर्ड केली. सुरुवातीला, आई तक्रार नोंदवू इच्छित नव्हती, परंतु एनजीओच्या अहवालाच्या आणि समुपदेशनातून मिळालेल्या तथ्यांच्या आधारे, चित्रकूटच्या पोलीस स्टेशनच्या प्रभारींनी सदर पोलीस स्टेशनमध्ये गुन्हा दाखल केला.

हे ही वाचा>> सासूचे सुनेच्या वडिलांसोबत अनैतिक संबंध, एकदा नव्हे तर तब्बल दोनदा केला कांड..

यानंतर, पीडित मुलगी आणि तिच्या आईचे जबाब दंडाधिकाऱ्यांसमोर घेण्यात आले. मुलीच्या वैद्यकीय तपासणीसाठी एक वैद्यकीय मंडळ स्थापन करण्यात आले.

वैद्यकीय अहवालात पुष्टी, आरोपीला अटक

वैद्यकीय अहवालात बलात्काराची पुष्टी झाल्यानंतर, आरोपी वडिलांना अटक करण्यात आली आहे. प्राथमिक तपासात असे दिसून आले आहे की, आरोपी अनेक वर्षांपासून त्याच्या अल्पवयीन मुलीवर लैंगिक अत्याचार करत होता आणि या प्रकरणाची कुठेही वाच्यता होऊ नये यासाठी पत्नीला देखील सातत्याने धमकावत होता.