थेट गँगस्टरच्या आईला केलं ठार, गोळ्या झाडल्या अन्.. कोण आहे 'हा' गँगस्टर जग्गू?

जग्गू भगवानपुरियाच्या आईची हत्या

मिळालेल्या माहितीनुसार, बटाला येथील गोळीबारात मृत्युमुखी पडलेल्या महिलेचे नाव हरजीत कौर असल्याचे समजते आहे. ती पंजाबमधील कुख्यात गुंड जग्गू भगवानपुरियाची आई होती. या हल्ल्यामुळे पुन्हा एकदा गँगस्टर जग्गूचं नाव चर्चेत आलं आहे. कधीकाळी कबड्डीसाठी ओळखला जाणारा जग्गू हा आता आंतरराष्ट्रीय गुन्हेगार म्हणून कुप्रसिद्ध आहे.

हे ही वाचा>> प्रेमात वेडीपिशी झाली..तरुणीला शोधत होते 11 राज्याचे पोलीस! अहमदाबाद प्लेन क्रॅशचं कनेक्शन आलं समोर

कोण आहे गँगस्टर जग्गू भगवानपुरिया?

गँगस्टर जग्गू भगवानपुरिया आता लॉरेन्स बिश्नोईचा कट्टर विरोधक बनला आहे. तो पंजाबच्या गुरुदासपूर जिल्ह्यातील भगवानपूर गावचा रहिवासी आहे. एक काळ असा होता जेव्हा तो एक उत्कृष्ट कबड्डी खेळाडू मानला जात असे, परंतु कालांतराने त्याचा गुन्हेगारीच्या जगात प्रवेश झाला.

तो 2015 पासून तुरुंगात आहे. त्याच्याविरुद्ध खून, दरोडा, खंडणी, बेकायदेशीर शस्त्रास्त्रांचा पुरवठा आणि ड्रग्ज तस्करी असे 128 हून अधिक गुन्हे दाखल आहेत. तो पंजाबमध्ये 'रिकव्हरी किंग' म्हणून देखील कुप्रसिद्ध आहे. त्याच्यावर कॅनडामध्येही खून केल्याचा आरोप आहे.

जग्गू भगवानपुरियाचे नाव पंजाबमध्ये चालणाऱ्या आंतरराष्ट्रीय ड्रग्ज आणि शस्त्रास्त्र तस्करी नेटवर्कशी देखील जोडले गेले आहे. असे मानले जाते की, त्याचे नेटवर्क पाकिस्तान आणि कॅनडापर्यंत पसरलेले आहे आणि तो सीमेपलीकडून ड्रग्जची तस्करी करत असे.

हे ही वाचा>> पुतण्या काकीसोबत रोज शारीरिक संबंध करायचा..एक दिवस घडलं भयंकर! प्रकरण थेट पोलीस स्टेशनमध्ये

2025 मध्ये, नार्कोटिक्स कंट्रोल ब्युरो (NCB) ने एनडीपीएस कायद्यांतर्गत कारवाई केली आणि त्याला पंजाबमधील भटिंडा तुरुंगातून आसाम तुरुंगात हलवले. प्रत्यक्षात, पंजाब तुरुंगात लॉरेन्स बिश्नोई टोळीकडून त्याला जीवे मारण्याचा धोका होता. त्यामुळेच त्याला आसामला नेण्यात आलं असं म्हटलं जात आहे.

एकेकाळी लॉरेन्स बिश्नोई आणि गोल्डी ब्रार हे जग्गूचे जवळचे मित्र मानले जात होते, परंतु आता या तिघांचेही मार्ग वेगळे झाले आहेत. लॉरेन्स आणि गोल्डीने आरोप केलेला की, सिद्धू मूसेवालाच्या हत्येनंतर जग्गूने दोन शूटरची माहिती पंजाब पोलिसांना दिली होती. त्यानंतर पंजाब पोलिसांनी दोघांनाही एन्काउंटरमध्ये मारले. या आरोपानंतर लॉरेन्स आणि गोल्डी यांनी जग्गूपासून स्वतःला दूर केले होते.

जग्गू स्वतः हा सिद्धू मूसेवाला हत्येचा आरोपी आहे. त्या प्रकरणात त्याची भूमिका नेमकी काय होती याबाबत सध्या तपास सुरू आहे. गुन्ह्यातून मिळवलेल्या पैशातून जग्गूने कॅनडा आणि ऑस्ट्रेलियामध्ये आपला व्यवसाय वाढवला आहे. अनेक खेळांमध्ये फिक्सिंगचे सर्वात मोठे काम जग्गू करतो.