लातूर: फ्लॅटमध्ये 3 पुरूष आणि तरुणी, पोलिसांकडून देह व्यापार रॅकेटचा भांडाफोड

हे ही वाचा : 'ज्ञानेश कुमारांमुळे मोदी पंतप्रधान', मतचोरीवरून राहुल गांधींची बोचरी टीका

लातूर पोलिसांकडून देह व्यापार रॅकेटचा भांडाफोड

पोलिसांना फ्लॅटमध्ये कथितरित्या देहव्यापार चालवण्यात येणार असल्याची माहिती पोहोचली होती. केवळ माहितीच्या आधारे छापा मारण्यात आला आणि पोलिसांनी तपास करण्याचा निर्णय घेतला होता. पोलिसांनी शुक्रवारी एका व्यक्तीला ग्राहक बनवून संबंधित फ्लॅटमध्ये पाठवले होते. फ्लॅटमध्ये देह व्यापार सुरु होता की नाही हे पाहण्यासाठी संबंधित व्यक्तीला फ्लॅटमध्ये पाठवले. जेव्हा देह व्यापार सुरु असल्याचे निदर्शनास आल्यानंतर पोलिसांनी फ्लॅटवर छापा मारला होता. त्यांनी दोन आरोपींना अटक केली.

पोलिसांनी 21 वर्षीय पीडित तरुणीला देह व्यापारातून केलं मुक्त 

पोलिसांच्या माहितीनुसार, आरोपींची जावेद युसूफ सैयद आणि जयश्री राम तरोटे अशी ओळख समोर आली. तर एकजण पळून जाण्यात यशस्वी झाला. छापा टाकल्याने देहव्यापाराचा भांडाफोड झाला. अशातच पोलिसांनी 21 वर्षीय पीडित तरुणीला या देहव्यापारातून बाहेर काढले. तरुणी ही नागपूर येथील रहिवासी होती. पोलिसांनी सांगितलं की, त्यांनी तपास केला असता, पीडितेला जबरदस्ती देहव्यापारात ढकलले होते. 

पीडितेच्या माहितीनुसार, ग्राहकांकडून मिळालेले पैसे दोन्ही आरोपी आणि इतर अनेकांमध्ये वाटून घ्यायचे. या कथितरित्या रॅकेटमध्ये इतर आणखी कोण सामील होते आणि त्याचे ,जाळे दूरवर पसरले आहे, याचा तपास पोलीस करत आहेत. लातूरमधील शिवाजीनगर पोलीस ठाण्यात गुन्हा दाखल करण्यात आला होता. 

हे ही वाचा : पत्नीचे अफेयर अन् सासूचा लेकीला पाठिंबा, संशयातून जावयाचा महिलेवर गोळीबार

पोलिसांनी भारतीय दंड संहिता (IPC) आणि अनैतिक वाहतूक (प्रतिबंध) कायद्यांतर्गत कारवाई केली आहे. सध्या, दोन आरोपींना अटक करण्यात आली असून, तिसऱ्या व्यक्तीचा शोध सुरु केला. पोलीस या प्रकरणाचा अधिक तपास करत आहेत.