हे ही वाचा : जामखेड : 'आमच्या भावाने मुलीला पळवून नेल्याचे तिच्या आईला का सांगितले?', तिघांनी मिळून केला एकाचा खून

लग्नावरून झाला वाद

पोलीस तपासात समोर आलेल्या माहितीनुसार, हे प्रकरण आंतरधर्मीय प्रेमसंबंधांशी संबंधित आहे. उत्तर प्रदेशातील बुलंदशहरचा राहणारा तरुण आणि ईशान्य दिल्लीतील तरुणी यांनी दिल्लीतील 'संतोष रेसिडेन्सी' हॉटेलमध्ये एक खोली भाड्याने घेतली होती. खोलीत गेल्यावर तरुणीने लग्नासाठी तगादा लावला, मात्र तरुणाने लग्नास स्पष्ट नकार दिल्याने दोघांमध्ये तीव्र वादावादी झाली. याच वैफल्यातून तरुणीने अचानक बाल्कनीतून खाली झोकून दिले.

दुकानदाराच्या प्रसंगावधानाने वाचले प्राण

तरुणी खाली पडत असताना हॉटेलच्या खाली असलेल्या इलेक्ट्रिक दुकानातील एका कर्मचाऱ्याने दाखवलेल्या प्रसंगावधानाने तिचे प्राण वाचले.  दुकानदाराने सांगितले की, 'वरुन आवाज आल्यावर मी पाहिले की तरुणी खाली पडत आहे, क्षणाचाही विचार न करता मी दुकानातील बॉक्सचे पुठ्ठे रस्त्यावर पसरवले.' पुठ्ठ्यांमुळे तरुणी जमिनीवर न पडता त्या बॉक्सवर पडली, ज्यामुळे तिचा जीव वाचला.

हे ही वाचा : यवतमाळ: शाळेच्या स्नेहसंमेलनात पाकिस्तानी देशभक्तीपर गाण्यावर नृत्य केल्याचा आरोप... भाजप नेत्याच्या तक्रारीवरून गुन्हा दाखल!

पोलीस कारवाई सुरु

घटनेनंतर संबंधित तरुणानेच जखमी तरुणीला तातडीने रुग्णालयात दाखल केले असून सध्या तिच्यावर उपचार सुरू आहेत. दिल्ली पोलिसांनी याप्रकरणी अद्याप एफआयआर नोंदवलेला नाही. तरुणी शुद्धीवर आल्यानंतर तिचा जबाब घेतला जाईल आणि त्यानंतरच पुढील कायदेशीर कारवाई केली जाईल, असे पोलिसांनी स्पष्ट केले आहे. दरम्यान, खबरदारीचा उपाय म्हणून पोलिसांनी तरुणाला ताब्यात घेतले आहे.