दृष्यम चित्रपटाची स्टोरीही फेल! सुनेची हत्या करून घरासमोरच मृतदेह पुरला, पोलिसांनी 'असा' केला पर्दाफाश

हुंडा आणि हत्येचं हे प्रकरण फरिदाबादच्या पल्ला परिसरातील आहे. उत्तर प्रदेशच्या शिकोहबाद येथे राहणाऱ्या तनुचं लग्न दोन वर्षांपूर्वी फरिदाबादमध्ये राहणाऱ्या अरुणसोबत झालं होतं. तनुच्या कुटुंबियांनी आरोप केला आहे की, लग्नानंतरच तनुच्या सासरच्यांनी तिला मानसिक त्रास दिला. सासरच्या लोकांकडून सोन्याच्या वस्तू आणि पैशांची सतत मागणी केली जात होती.

हे ही वाचा >> पैशांचा माज, बड्या बापाच्या लेकीनं मर्सडिझनं दुचाकीला दिली धडक, पती-पत्नी दोघेही हवेत फेकले...

दहा फूट खड्डा खोदून मृतदेह काढला

पोलिसांनी जेसीबीच्या मदतीने 10 फूट खड्डा खोदून तनुचा मृतदेह बाहेर काढला. तनुच्या सासरच्यांनी तिची हत्या करून मृतदेह त्यांच्याच गल्लीत एका खड्ड्यात पुरला. पोलिसांनी मृतदेह फॉरेन्सिक तपास करण्यासाठी पाठवलं आहे. तनूच्या सासरच्या चार लोकांविरुद्ध हत्येचा गुन्हा दाखल केला आहे. दरम्यान, पोलिसांनी आरोपींना अटक केली आहे.

तनुच्या कुटुंबियांनी काय म्हटलं?

तनुच्या कुटुंबियांनी आरोप केला आहे की, लग्नानंतरच तनुच्या सासरच्यांनी तिला त्रास देण्यास सुरुवात केली. सोन्याच्या वस्तू आणि पैशांची मागणीही केली. यामुळेच लग्नाच्या एक वर्षानंतर ती तिच्या माहेरी राहिली. त्यानंतर तनुला जेव्हा जेव्हा सासरी पाठवलं, तेव्हाही ते तिला त्रास द्यायचे. त्यांनी तनुला फोनवर बोलायलाही बंदी घातली.

हे ही वाचा >> लस्सीत गुंगीच्या गोळ्या मिसळून पत्नी बॉयफ्रेंडसोबत छू....बाई काय हा प्रकार?

आरोपींनी त्यांचा गुन्हा लपवण्यासाठी एक अशी कहाणी रचली, जे ऐकून तनुच्या बहिणीला धक्काच बसला. तनुची बहीण प्रितीने म्हटलंय, दोन महिन्यांपूर्वी तनुच्या सासऱ्यांनी म्हटलं की, तनु घरातून कुठेतरी पळून गेली आहे. तेव्हा आम्हाला त्यांच्यावर संशय आला. त्यानंतर नवीन नगर पोलिसांकडे तक्रार करण्यात आली. परंतु, पोलिसांनी कोणतीच कारवाई केली नाही. 

दरम्यान, पोलिसांनी त्यांना फरिदाबादला यायला सांगितलं. त्यानंतर तिथे त्यांना मृतदेह आढळला. तनुच्या शेजाऱ्यांनी पोलिसांना माहिती दिली की, दोन महिन्यांपूर्वी तनूच्या सासरच्या लोकांनी वेस्ट पाणी साचून ठेवण्यासाठी खड्डा खोदला आहे, असं सांगितलं. त्यानंतर तीन दिवसांनी त्यांनी म्हटलं की, त्यांची सून तनू घरातून पळून गेली आहे. त्यानंतर आम्हाला त्यांच्यावर संशय आला.