आधी तरुणाला बेदम मारहाण अन् नंतर नग्नावस्थेत गावभर फिरवलं, कारण...

चार तरुणांनी हल्ला केला अन्...

पोलिसांनी दिलेल्या माहितीनुसार, ही घटना काही दिवसांपूर्वी घडली असून सोशल मीडियावर व्हायरल झालेला हा व्हिडिओ सुमारे एक महिना जुना आहे. व्हिडिओमधील पीडित व्यक्तीचं नाव मनीष यादव असून तो जिल्ह्यातील हनुमान पोलीस स्टेशन हद्दीतील कोनी गावचा रहिवासी असल्याची माहिती आहे. गावातील कुशवाहा समाजातील चार तरुणांनी मनीषवर हल्ला केल्याचं सांगितलं जात आहे.

हे ही वाचा:  पाझर तलावात पोहण्यासाठी गेला, पण पाण्याचा अंदाज न आल्याने 12 वर्षीय तरुण बुडाला; जालन्यातील दुर्दैवी घटना

कपडे काढून बेदम मारहाण

पीडित मनीषच्या म्हणण्यानुसार, कर्जाच्या व्यवहारावरून झालेल्या वादामुळे आरोपींनी त्याचे कपडे काढून त्याला बेदम मारहाण केली. पोलिसांच्या तपासातून, या घटनेबाबत एक वेगळीच बाब समोर आली आहे. आरोपी गुंडांनी आधी पीडित तरुणाला मारहाण केली आणि नंतर दारूसाठी 1200 रुपये मागितलं असल्याचं म्हटलं जात आहे. 

नग्न अवस्थेत परिसरात फिरवलं

पीडित तरुणाने पैसे देण्यास नकार दिल्यानंतर आरोपींनी त्याला बेदम मारहाण केली आणि त्याला नग्न अवस्थेत परिसरात फिरवलं. सोशल मीडियावर व्हायरल होत असलेल्या या घटनेच्या व्हिडिओमध्ये बरेट तरुण एका तरुणाला नग्न अवस्थेत फिरवत असल्याचं दिसून येत आहे. तो नग्न पुरूष आरोपीच्या आज्ञेनुसार डोकं टेकवून सरळ चालताना दिसत आहे आणि घटनेतील पीडित तरुण घाबरलेल्या अवस्थेत दिसत आहे. 

हे ही वाचा: Govt Job: भारत सरकारच्या 'या' कंपनीत निघाली मोठी भरती! पगार ऐकून तर थक्कच व्हाल... कसं कराल अप्लाय?

या संपूर्ण घटनेबाबत एका पोलिस अधिकाऱ्याने सांगितलं की पीडितेच्या तक्रारीनंतर चारही आरोपींना अटक करण्यात आली असून हे चौघेही कुशवाहा समुदायाचे तरुण आहेत.