परभणी : सहलीला गेलेल्या विद्यार्थीनीचा शिक्षकाने कपडे बदलतानाचा व्हिडीओ बनवला, AI चा वापर अन् संतापजनक कृत्य

हेही वाचा : गौतमी पाटीलला उचलायचं की नाही? चंद्रकांत पाटलांचा पोलिसांना फोन; रोहित पवार म्हणाले, पुण्यातील गुंड परदेशात...

विद्यार्थीनी सहलीला गेल्यानंतर शिक्षकानेच केलं कृत्य 

अधिकच्या माहिती अशी की, संतोष मलसटवाड हा नराधम परभणीतील एका शाळेत शिक्षक आहे. या शाळेने रायगड आणि महाबळेश्वर या ठिकाणी शाळेची सहल काढली होती. दरम्यान, सहलीदरम्यान विकृत मानसिकता असलेल्या संतोषने 16 वर्षीय विद्यार्थीनी कपडे बदलत असताना गुपचूप व्हिडीओ काढला. त्यानंतर एआयचा वापर करुन काही अश्लील व्हिडीओ देखील बनवले आणि ब्लॅकमेल करुन लैंगिक शोषण केलं. 

हेही वाचा : 26/11 च्या दहशतवादी हल्ल्यात वडील शहीद झाले, 17 वर्षांच्या संघर्षमय आयुष्यानंतर मुलीला मिळाली सरकारी नोकरी

एआयचा वापर अन् मुलीला बदनामाची धमकी 

सध्या एआयचा वापर करुन मोठ्या प्रमाणात व्हिडीओ बनवले जात आहेत. मात्र, आता याचा गैरवापर देखील वाढलाय. या शिक्षकाने देखील एआयचा वापर करुन विद्यार्थीनाचा छळ केलाय. अश्लील फोटो आणि व्हिडीओ सर्वत्र पाठवेन, अशी धमकी देत शिक्षकाने विद्यार्थीनीवर लैंगिक अत्याचार केले आहेत. शिवाय, या प्रकरणात त्याने काही मित्रांचे मदत घेतल्याचे देखील समोर आले आहे. विद्यार्थीनीवरील अत्याचार प्रकरणात आत्तापर्यंत चौघांना अटक करण्यात आली आहे. 

दरम्यान, पीडित मुलीने घडलेला प्रकार कुटुंबियांना सांगितल्यानंतर त्यांनी पोलीस ठाण्यात शिक्षकाविरोधात तक्रार दाखल केली आहे. मुलीने दिलेल्या फिर्यादीवरुन पोलिसांनी गुन्हा दाखल केला असून आरोपी संतोष मलसटवाड याला ताब्यात घेतलंय. शिवाय, इतर काही आरोपींना देखील पोलिसांनी उचललंय. या प्रकरणात एक अल्पवयीन मुलगा देखील आरोपी आहे. 

इतर महत्त्वाच्या बातम्या 

गौतमी पाटीलला उचलायचं की नाही? चंद्रकांत पाटलांचा पोलिसांना फोन; रोहित पवार म्हणाले, पुण्यातील गुंड परदेशात...