सोसायटीत काम करणाऱ्या महिलांनीच...

या प्रकरणाची पार्श्वभूमी फेब्रुवारी 2026 मधील आहे. पीडित मुलीच्या वडिलांनी 4 फेब्रुवारी रोजी तक्रार दाखल केली होती की, त्यांच्या सोसायटीत काम करणाऱ्या दोन महिला आणि एका पुरुषाने त्यांच्या मुलीचे लैंगिक शोषण केले आहे. डिसेंबर 2025 ते जानेवारी 2026 या कालावधीत हा घृणास्पद प्रकार घडला होता. याप्रकरणी पोलिसांनी गुन्हा दाखल केला होता, मात्र दीर्घकाळ उलटूनही कोणतीही अटक करण्यात आली नव्हती. तपासात समोर आले आहे की, आरोपींपैकी एक महिला पीडितेच्या घरी कामाला होती, तर दुसरी शेजारच्या फ्लॅटमध्ये काम करत होती.

हे ही वाचा : यवतमाळ : 6 वर्षाची मुलगी बेपत्ता, 'एवढ्या' दिवसानंतर पोत्यात कोंबलेल्या अवस्थेत आढळला मृतदेह, गावातील घराची झडती सुरु

पीडितांची सुप्रीम कोर्टात धाव

पोलिसांच्या निष्क्रियतेमुळे पीडित पक्षाने सर्वोच्च न्यायालयात धाव घेतली होती. पीडित मुलीने न्यायदंडाधिकाऱ्यांसमोर सविस्तर जबाब नोंदवूनही पोलीस प्रशासनाने कोणतीही ठोस पावले उचलली नव्हती. या प्रकरणाचे गांभीर्य ओळखून मुख्य न्यायमूर्ती सूर्यकांत, न्यायमूर्ती जॉयमाल्य बागची आणि न्यायमूर्ती विपुल एम. पंचोली यांच्या विशेष खंडपीठाने ज्येष्ठ वकील मुकुल रोहतगी यांच्या विनंतीवरून सोमवारी (23 मार्च) सुनावणी निश्चित केली होती. सर्वोच्च न्यायालयाच्या या सक्रियतेमुळे पोलीस यंत्रणा खडबडून जागी झाली आणि सुनावणीच्या दोन दिवस आधीच आरोपींना जेरबंद करण्यात आले.

हे ही वाचा : भाडेकरुचे मालकिणीसोबत अफेयर, सासूने अनेकदा 'त्या' अवस्थेत पाहिले; शेवटी नको तेच घडलं!

सोमवारी सुनावणी

सध्या पोलीस या प्रकरणाचा अधिक सखोल तपास करत आहेत. अटक करण्यात आलेल्या आरोपींनी चिमुरडीसोबत केलेल्या कृत्याचे पुरावे गोळा करण्याचे काम सुरू आहे, जेणेकरून न्यायालयात भक्कम बाजू मांडता येईल. एका खासगी सोसायटीत घडलेल्या या घटनेने पालकांमध्ये भीतीचे वातावरण असून, सर्वोच्च न्यायालयाच्या हस्तक्षेपामुळे आता पीडित कुटुंबाला न्याय मिळण्याची आशा निर्माण झाली आहे. सोमवारी (23 मार्च) होणाऱ्या सुनावणीकडे सर्वांचे लक्ष लागले आहे.