कुटुंबियांचा विरोध झुगारुन प्रेमविवाह, 7 महिन्यांच्या बाळाला घेऊन गावात आले, अन् गेम झाला!

हेही वाचा : बजरंग सोनवणेंच्या मुलाचं नाव, मुंडे भाऊ बहीण आक्रमक; बीडचं खून प्रकरण काय?

सात महिन्यांच्या मुलासह मूळ गावी परतले अन् शेवटी मर्डर 

लग्नानंतर दोघांनाही नातेवाईकांचा विरोध सहन करावा लागत होता. त्यामुळे विवेक आणि पूनम यांनी दिल्लीजवळील नोएडा येथे राहण्याचा निर्णय घेतला होता. तेथेच ते राहत होते. काही दिवसांपूर्वी हे दाम्पत्य त्यांच्या सात महिन्यांच्या मुलासह मूळ गावी परतले होते. मात्र गावात परतल्यानंतर पुन्हा एकदा त्यांच्या विवाहाच्या मुद्द्यावरून तणाव निर्माण झाला. विवेकच्या कुटुंबीयांनी आणि पत्नी पूनमने केलेल्या आरोपानुसार, सोमवारी संध्याकाळी पूनमच्या माहेरच्या नातेवाईकांनी त्यांच्या घरी येऊन दोघांना जाब विचारला.

हेही वाचा : 'तू मला सोडून का गेलास?' केतनची हत्या केल्यानंतर सियाची इन्स्टाग्राम पोस्ट व्हायरल

पूनमचा जीव वाचवण्यासाठी शेजाऱ्यांच्या घरी आश्रय

या वादाचे रूपांतर नंतर हाणामारीत झाल्याचे सांगितले जात आहे. आरोपानुसार, पूनमचे वडील, काका आणि भावांनी विवेकवर काठ्या आणि काठ्यांसारख्या वस्तूंनी हल्ला केला. मारहाण सुरू झाल्यानंतर पूनमने स्वतःचा जीव वाचवण्यासाठी शेजाऱ्यांच्या घरी आश्रय घेतला. या घटनेबाबत बोलताना पूनमने सांगितले की, त्यांनी स्वतःच्या इच्छेने लग्न केल्याची माहिती कुटुंबीयांना दिल्यानंतर त्यांना गावात राहू नका असे सांगण्यात आले होते. त्यानंतर ते नोएडाला राहायला गेले. मात्र गावात परतल्यानंतर पुन्हा त्रास सुरू झाला. वाद वाढल्यानंतर तिचे वडील, काका आणि भाऊ यांनी त्यांच्यावर हल्ला केल्याचा आरोप तिने केला आहे.

घटनेची माहिती मिळताच पोलिस घटनास्थळी पोहोचले आणि गंभीर जखमी झालेल्या विवेकला उपचारासाठी वैद्यकीय महाविद्यालयात दाखल केले. मात्र उपचारादरम्यान डॉक्टरांनी त्याला मृत घोषित केले. हरदोईचे अतिरिक्त पोलिस अधीक्षक (पश्चिम) मार्तंड प्रकाश सिंह यांनी सांगितले की, विवेकने यापूर्वीच सासरच्या मंडळींकडून मारहाण झाल्याची तक्रार बेहटा गोकुळ पोलिस ठाण्यात दिली होती आणि त्यानुसार गुन्हा नोंदवण्यात आला होता. त्यानंतर उपचार सुरू असताना त्याचा मृत्यू झाला. या प्रकरणात रामगोपाल आणि श्याम या दोन आरोपींना ताब्यात घेण्यात आले आहे. विवेकची आई विमला यांनी दिलेल्या तक्रारीवरून सात नामनिर्देशित आरोपींविरोधात हत्येसह गंभीर कलमांखाली गुन्हा दाखल करण्यात आला आहे. उर्वरित आरोपींचा शोध सुरू असून पंचनामा आणि शवविच्छेदनाची प्रक्रिया सुरू असल्याचे पोलिसांनी सांगितले. ही घटना उत्तर प्रदेशातील हरदोई जिल्ह्यात घडली.