'पती परपुरुषांसोबत लैंगिक संबंध ठेवायला सांगायचे', 50 महिलांचा भयंकर अनुभव

एका अहवालानुसार, काही पुरुष जोडीदार आपल्या महिला जोडीदारांना परपुरुषांशी लैंगिक संबंध ठेवण्यास भाग पाडतात. महिलांची इच्छा नसतानाही त्यांना हे करण्यास भाग पाडले जाते. ही परिस्थिती अशा पुरुषांच्या मानसिक स्थितीबद्दलही प्रश्न निर्माण करते, की एखादा पुरुष मानसिक समाधान किंवा पैशासाठी आपल्याच पत्नी किंवा जोडीदारासोबत असे कसे करू शकतो.

नेमकं काय घडलं?

अलीकडच्या वर्षांत, 'पार्टनर स्विंगिंग' आणि 'ओपन रिलेशनशिप' यांसारख्या संकल्पनांवर चर्चा वाढली आहे. पण, तज्ज्ञ यावर जोर देतात की, कोणत्याही प्रकारचे नातेसंबंध तेव्हाच स्वीकारार्ह असतात, जेव्हा त्यात सामील असलेल्या सर्व प्रौढांची स्पष्ट आणि मुक्त संमती असते.

हे ही वाचा>> 'कॉलेजचे 7 हजार विद्यार्थी HIV पॉझिटिव्ह', हा दावा अन् सगळेच हादरले.. सरकारकडून स्पष्टीकरण जारी

बीबीसीच्या एका अहवालानुसार, यूकेमधील 50 महिलांनी तक्रार केली आहे की, त्यांच्या जोडीदारांनी त्यांना अनोळखी व्यक्तींसोबत लैंगिक संबंध ठेवण्यास भाग पाडले किंवा दबाव टाकला. याचे पुरावे फेसबुक आणि मीवे (MeWe) सारख्या सोशल मीडिया प्लॅटफॉर्म आणि ॲप्सवर आढळतात, जे परस्पर संमतीने जोडपी आणि अविवाहित व्यक्ती एकमेकांशी जोडले जाण्यासाठी वापरतात.

बहुतेक लोक टोपणनावे वापरतात आणि सुरुवातीच्या संभाषणानंतर जोडप्यांना एकमेकांसोबत सोयीस्कर वाटते की नाही हे तपासण्यासाठी वेळ घेतात.

एका महिलेने तक्रार केली की तिला 100 हून अधिक अनोळखी पुरुषांसोबत लैंगिक संबंध ठेवण्यास भाग पाडले गेले. पुढे आलेल्या अनेक महिलांनी सांगितले की, त्यांची इच्छा नसतानाही त्यांनी स्विंगिंगद्वारे लैंगिक संबंध ठेवले.

हे ही वाचा>> शाळेच्या बसमध्ये पाचवीच्या विद्यार्थीनीवर लैंगिक अत्याचार, व्हिडिओ व्हायरल करण्याची धमकी

"माझी इच्छा नसतानाही मला ते करावे लागले," असे त्या महिलांनी सांगितलं. त्या पुढे असंही म्हणल्या की, 'जोडीदारांनी माझ्यावर दबाव टाकला होता.'

दुसरी एक महिला म्हणाली, "मला असे वाटले की जणू मला कोणाच्यातरी हवाली केले आहे. माझा वापर झाल्यासारखे वाटले. मला खूप घाणेरडे वाटले."

महिलांच्या म्हणण्यानुसार, बहुतेक भेटी फॅबस्विंगर्स वेबसाइटद्वारे आयोजित केल्या गेल्या होत्या, ज्या वेबसाइटचा दावा आहे की, यूकेमध्ये तिची दरमहा 5 लाखांहून अधिक सक्रिय खाती आहेत. सहा महिलांनी बीबीसी न्यूजला सांगितले की, या साइटद्वारे भेटलेल्या पुरुषांनी त्यांच्यावर बलात्कार केला.