3 लेकरांची आई प्रियकराची प्रेमात आकंठ बुडाली, पतीला धारदार शस्त्रांनी कापून काढलं

हेही वाचा : मैत्रिणीच्या पार्टीत महिलेवर लैंगिक अत्याचार, एक्स बॉयफ्रेंडकडून 'तसले' व्हिडिओ शेअर करण्याची धमकी

प्रेम संबंधांमध्ये अडथळा ठरत असल्याने पतीची हत्या 

पोलिसांनी दिलेल्या माहितीनुसार, रोहतास जिल्ह्यातील काराकाट पोलीस ठाण्याच्या हद्दीतील डेरा चंडी गावात राहणारे वीरेंद्र सिंह आपल्या कुटुंबासह सामान्य आयुष्य जगत होते. याच काळात त्यांची गावातील अरविंद सिंह याच्याशी मैत्री झाली. अरविंदचे घरात येणे-जाणे वाढल्यानंतर वीरेंद्र सिंह यांची पत्नी ममता देवी आणि अरविंद सिंह यांच्यात कथित प्रेमसंबंध निर्माण झाल्याचे तपासात समोर आले आहे. पती या संबंधांमध्ये अडथळा ठरत असल्याने त्याला कायमचा हटवण्याचा कट दोघांनी रचल्याचा आरोप पोलिसांनी केला आहे.

हेही वाचा : AI च्या मदतीने लिहिली तिहेरी हत्याकांडाची स्क्रिप्ट, लिव्ह-इन पार्टनरच्या मदतीने रचला कट, हादरवणारी कहाणी

मृतदेहाची ओळख लपवण्यासाठी नग्न अवस्थेत कालव्यात फेकलं 

आरोपानुसार, 19 जुलैच्या रात्री वीरेंद्र सिंह घरात झोपलेले असताना ममता देवी आणि अरविंद सिंह यांनी त्यांच्यावर धारदार शस्त्राने अनेक वार करून हत्या केली. त्यानंतर मृतदेहाची ओळख लपवण्यासाठी त्याच्या अंगावरील कपडे काढण्यात आले आणि नग्न अवस्थेत कालव्यात फेकण्यात आले, जेणेकरून पोलिसांना मृताची ओळख पटू नये. कालव्याच्या प्रवाहासोबत मृतदेह रोहतासमधून बक्सर जिल्ह्यातील डुमराव परिसरातील कालमानपूर गावाजवळ पोहोचला. कालव्यात नग्न मृतदेह आढळल्याने परिसरात खळबळ उडाली. माहिती मिळताच वासुदेव ओपी पोलिसांनी घटनास्थळी धाव घेऊन मृतदेह ताब्यात घेतला आणि त्याची ओळख पटवण्याचे प्रयत्न सुरू केले.

यानंतर नातेवाईकांनी मृतदेहाची ओळख वीरेंद्र सिंह अशी केली. मृताचे भाऊ जितेंद्र सिंह यांच्या जबाबावरून हत्येचा गुन्हा दाखल करण्यात आला. तपासादरम्यान बक्सर पोलिसांनी डिजिटल पुरावे, मोबाईल लोकेशन आणि इतर तांत्रिक पुराव्यांच्या आधारे ममता देवी आणि अरविंद सिंह यांना ताब्यात घेतले. चौकशीत प्रेमसंबंधातून हत्येचा कट रचल्याची माहिती समोर आल्याचे पोलिसांनी सांगितले. त्यानंतर दोघांनाही अटक करून न्यायालयीन कोठडीत पाठवण्यात आले. या प्रकरणाचा तपास अद्याप सुरू असून सर्व बाजूंनी चौकशी केली जात असल्याचे पोलिसांनी स्पष्ट केले आहे. या घटनेमुळे संपूर्ण गाव हादरले असून पुढील कायदेशीर कारवाई सुरू आहे.