12 हजार पगार पण दोघींचा मोठा रूबाब, करोडो रुपयांच्या कार अन्.. दोन शिक्षिकांचे भलतेच धंदे!

12,000 रुपयांच्या पगारात आलिशान लाइफस्टाइल

महिन्याला 12,000 रुपये कमावणाऱ्या व्यक्तीच्या आवाक्याबाहेरचे आलिशान जीवन त्या दोन्ही शिक्षिका जगत होत्या. पोलिसांच्या म्हणण्यानुसार, त्यांच्याकडे महागड्या गाड्या होत्या आणि त्या त्यांच्या उत्पन्नापेक्षा कितीतरी जास्त खर्च त्या करत होत्या. यामुळे त्यांच्या सहकाऱ्यांमध्ये संशय निर्माण झाला की, इतक्या पगारात त्या अशा उधळपट्टीच्या गोष्टी कशा काय करू शकतात? त्यांनी ही बाब अधिकाऱ्यांकडे कळवली.

हे ही वाचा>> सहावीतील विद्यार्थिनीला रिकाम्या वर्गात न्यायचा अन्..., 50 वर्षीय शिक्षक निलंबित

दोन्ही महिला शिक्षिकांचे ड्रग्ज कनेक्शन

या प्रकरणाचा तपास सुरू झाल्यावर धक्कादायक खुलासे झाले. तपासकर्त्यांनी सर्वप्रथम सफवान नावाच्या एका व्यक्तीला एमडीएमए (MDMA) सोबत ताब्यात घेतले. त्याची चौकशी केल्यानंतर, पोलिसांनी एका सुसंघटित ड्रग्ज वितरण नेटवर्कचा पर्दाफाश केला. कोझिकोड ग्रामीण पोलिसांनी सुरू केलेल्या 'ऑपरेशन तुफान' या अंमली पदार्थ विरोधी मोहिमेदरम्यान या दोन महिला शिक्षिकांना अटक करण्यात आली.

हे ही वाचा>> बायकोचे दोन दिरांसोबत संबंध, नवऱ्याला संपवण्यासाठी जेवणात विष मिसळल्याचा आरोप

तपासकर्त्यांच्या म्हणण्यानुसार, ग्राहक ड्रग्ज मागवण्यासाठी आखाती देशातील एका फोन नंबरवर संपर्क साधत असत. त्यांना पेमेंटसाठी एक क्यूआर कोड (QR code) मिळत असे. पेमेंटची पुष्टी झाल्यावर, खरेदीदारांना लपवलेल्या 'डेड-ड्रॉप' ठिकाणांचे (जिथे ड्रग्ज लपवले होते) फोटो किंवा ठिकाणे पुरवली जात होती.

ड्रग नेटवर्कच्या व्यवहारांची चौकशी सुरू

पोलिसांनी सांगितले की, आर्थिक तपासात असे उघड झाले आहे की, पेमेंट स्वीकारण्यासाठी वापरलेले क्यूआर कोड आणि बँक खाती दोन महिलांशी संबंधित होती. त्यामुळे आता त्यांच्या लाखो रुपयांच्या व्यवहारांची चौकशी केली जात आहे. तपासकर्त्यांना संशय आहे की, ही खाती एका मोठ्या ड्रग नेटवर्कशी संबंधित पैशांची अफरातफर करण्यासाठी वापरली गेली होती.

दरम्यान, आरोपी महिला शिक्षिकांच्या सहकाऱ्यांना हा सगळ्या प्रकार समजल्यानंतर मोठा धक्का बसला आहे. त्यांच्या म्हणण्यानुसार, दोन्ही महिला शाळेतील अंमली पदार्थ विरोधी कार्यक्रमाच्या भाग होत्या. दोघींनीही यापूर्वी विद्यार्थी संपर्क मोहीम आणि सार्वजनिक जागरूकता कार्यक्रमांसह सरकारी अंमली पदार्थ जागरूकता कार्यक्रमांमध्ये भाग घेतला होता. या दोन शिक्षिकांनी विद्यार्थ्यांना ड्रग्जचा पुरवठाही केला होता का?, याचाही तपास पोलीस आता करत आहेत.

या प्रकरणाच्या तपासासाठी वडकरा स्टेशन हाऊस ऑफिसर यांच्या नेतृत्वाखाली एक विशेष तपास पथक (SIT) स्थापन करण्यात आले आहे. या पथकामध्ये अंमली पदार्थ विरोधी पथक, सायबर सेल, महिला सेल आणि जवळच्या पोलीस ठाण्यांतील अधिकाऱ्यांचा समावेश आहे.