Mumbai Crime News : वासनांध प्रवाशनं थेट टॅक्सीमध्येच महिलेसमोर सुरू केलं... ग्रँट रोड परिसरातील चीड आणणारी घटना

हे ही वाचा >> आई-बहिणीवरून शिवी दिल्यास 500 रु. दंड, 'या' गावाचा नवा नियम!

मुंबईतील ग्रँट रोड परिसरात गेल्या 30 नोव्हेंबर रोजी ही धक्कादायक घटना घडली. या घटनेतील पीडितेच्या मित्राने हा प्रकार उघडकीस आणला. त्यानंतर गावदेवी पोलीस ठाण्यात भारतीय न्याय संहितेच्या (BNS) कलम 78 आणि 79 नुसार आरोपीविरुद्धा गुन्हा दाखल करण्यात आला आहे. 12 डिसेंबर रोजी हा गुन्हा नोंदवण्यात आला आहे.

पोलिसांनी दिलेल्या माहितीनुसार, महाविद्यालयीन विद्यार्थीनी असलेली पीडिता, ग्रँड रोड रेल्वे स्थानकावर जाण्यासाठी शेअर टॅक्सीत बसली. पण याच प्रवासादरम्यान एका अज्ञात सहप्रवाशाने थेट भर रस्त्यात टॅक्सीमध्येच तिच्यासमोर हस्तमैथुन सुरू केलं. हा संपूर्ण प्रकार टॅक्सीमध्ये असलेल्या पीडितेच्या मित्राने पाहिल्यानंतर त्यानं ते रेकॉर्ड केलं. त्यानंतर आता हे फुटेज सोशल मीडियावर व्हायरल झाले.

हे ही वाचा >> Nitesh Rane : "ज्यांना 2 पेक्षा जास्त मुलं..."; लाडकी बहीण योजनेबाबत नितेश राणे 'हे' काय बोलून गेले

दरम्यान, हा व्हिडिओ व्हायरल झाल्यानंतर मुंबई पोलिसांनी कारवाई केली आहे. गावदेवी पोलिसांनी तपास सुरू केला असून, व्हिडीओच्या आधारे आरोपीचा शोध घेऊन त्याला अटक केली आहे.