हे ही वाचा : मुंबई: दिवसाढवळ्या 19 वर्षीय तरुणीवर गोळ्या झाडून खून... प्रेमत्रिकोणातून भयंकर हत्याकांड! शिवाजीनगरमध्ये खळबळ
 

महिला गायब झाल्याने खळबळ

मध्य प्रदेशातील इंदोरमधील बाणगंगा परिसरात राहणारी एक महिला घरातील दागिने आणि मोठी रोकड घेऊन अचानक गायब झाली. या घटनेमुळे परिसरात एकच खळबळ उडाली होती. महिलेच्या कुटुंबीयांनी तातडीने बाणगंगा पोलीस ठाण्यात ती बेपत्ता झाल्याची तक्रार नोंदवली. पोलिसांनी तपास सुरु केला असता, ही महिला एका तांत्रिकासोबत पळून गेल्याचे उघड झाले असून, पोलिसांनी तिला भोपाळमधून ताब्यात घेतले आहे.

भोपाळमध्ये सापडली महिला

महिलेच्या बेपत्ता होण्याची तक्रार मिळताच पोलिसांनी तपास पथक तैनात केले. सुरुवातीला पती आणि नातेवाईकांच्या जबाबांमध्ये तफावत आढळल्याने पोलिसांचा संशय बळावला. त्यानंतर पोलिसांनी मोबाईल लोकेशनच्या आधारे तपास केला असता, महिलेचे शेवटचे लोकेशन भोपाळमध्ये मिळाले. इंदूर पोलिसांनी तातडीने भोपाळ गाठून महिलेला सुरक्षितपणे ताब्यात घेतले आणि तिच्याकडून काही सोन्या-चांदीचे दागिनेही हस्तगत केले.

हे ही वाचा : पुणे : बुधवार पेठेत मध्यरात्रीच पोलिसांचं कॉम्बिंग ऑपरेशन; अनेकांची उडाली तारांबळ, नेमकं काय घडलं?

...म्हणून तांत्रिकासोबत गेली पळून

पोलीस चौकशीदरम्यान महिलेने अत्यंत धक्कादायक खुलासा केला. तिने सांगितले की, ती आपल्या पतीच्या जाचाला आणि सततच्या घरगुती वादाला कंटाळली होती. याच काळात तिची ओळख राकेश जाटव नावाच्या तरुणाशी झाली. राकेश हा पूजा-पाठ आणि तांत्रिक विधी करण्याचे काम करायचा. घरगुती समस्या सोडवण्याच्या बहाण्याने त्यांच्यात संवाद वाढला आणि या ओळखीचे रुपांतर मैत्रीत झाले. मानसिक तणावात असलेल्या महिलेने अखेर राकेशसोबत घर सोडून जाण्याचा निर्णय घेतला. दरम्यान, राकेश जाटव हा तांत्रिक विधींच्या नावाखाली लोकांना आपल्या जाळ्यात ओढत असे. महिलेला त्याने काही भुरळ घातली होती का किंवा तिला फूस लावून नेले होते का, या बाजूनेही पोलीस तपास करत आहेत.