महिलेचं टक्कल केलं, ग्रामस्थांसमोर कपडे फाडले, नवऱ्याला खांद्यावर बसवून गावभर फिरण्यास भाग पाडले

हे ही वाचा : डोळ्यात अंगार, नामदेव ढसाळांचा झंझावात मोठ्या पडद्यावर, 'हा' अभिनेता साकारणार भूमिका

सासरा पीडितेचा छळ करायचा म्हणून ती प्रियकरासोबत राहू लागली

संबंधित प्रकरणात घडलेल्या घटनेनुसार, पीडितेचं लग्न हे 12 वर्षांपूर्वी झालं होतं, तसेच तिला दोन मुलं आहेत. संबंधित प्रकरणात असा आरोप करण्यात आला की, तिचा सासरा तिचा सतत मानसिक आणि शारीरिक छळ करायचा. अत्याचाराला कंटाळून ती महिला घर सोडून तिच्या प्रियकरासोबत राहू लागली होती. मात्र, समाजातील तथाकथित कंत्राटदारांनी या प्रकरणाला मान्यता दिली नाही. त्यामुळे एक सामुदायिक बैठक बोलावण्यात आली. 

ग्रामस्थांसमोर पीडितेचे कपडे फाडले, नंतर केस कापले

स्त्रीला तिच्या पतीकडे परत जाण्याचा आदेश देण्यात आले. तेव्हा ती परत गेली असता, तिला एका भयंकर छळाला समोरे जावे लागले होते. गर्दीसमोर तिचे कपडे फाडण्यात आले आणि तिचे केस कापण्यात आले. हा छळ इथेच न थांबता नाही; शिक्षा म्हणून, त्या स्त्रीला तिच्या पतीला खांद्यावर बसवून गावातून चालायला लावले. काही लोकांनी याचे चित्रीकरण देखील केले होते, आता ते सोशल मीडियावर व्हायरल होऊ लागले.

अतिरिक्त पोलीस अधीक्षक प्रतिपाल सिंग महोबिया यांनी सांगितलं की, संबंधित घटना ही 12 एप्रिल रोजी रात्री काकनवाणी पोलीस ठाणे परिसरातील एका गावात घडली. पोलिसांनी या प्रकरणात 10 जणांविरुद्ध एफआरआय दाखल केला, पतीसह चार जणांना अटक केली आहे. 

हे ही वाचा : पुणे: आंब्यांचे आमिष दाखवून अडीच वर्षांच्या चिमुरडीवर लैंगिक अत्याचार, आई पोहोचताच डोळ्यादेखत... लज्जास्पद प्रकार

पोलि‍सांच्या माहितीनुसार, या क्रूरतेत सहभागी असलेल्यांना केवळ शिक्षाच होणार नाही, तर ज्यांनी या घटनेचं चित्रीकरण केलं तेच व्हिडिओ सोशल मीडियावर शेअर करण्यात आले, नंतर महिलेची ओळख आणि प्रतिमा मलीन केली. सध्या पीडितेला सुरक्षा आणि समुपदेश केले जात आहे.