'भाभी'ने तिच्यासोबत केलं भलतंच काही, प्रसादात मिसळला अंमली पदार्थ अन्...

मिळालेल्या माहितीनुसार, हनुमान टेकडी परिसरातील चाणक्यपुरी सोसायटीमध्ये राहणारे व्यावसायिक वसंत अकेदीवाला यांची पत्नी शांतीबेन, 23 तारखेच्या रात्री दूध आणण्यासाठी घरातून बाहेर पडल्या. रात्री उशिरापर्यंत त्या परत न आल्याने कुटुंबीयांना काळजी वाटू लागली आणि त्यांनी आजूबाजूच्या परिसरात शोध घेतला, परंतु त्यांचा कोणताही मागमूस लागला नाही. त्यानंतर, त्यांच्या मुलाने पालनपूर पश्चिम पोलीस ठाण्यात त्या बेपत्ता झाल्याची तक्रार दाखल केली.

पोलिसांनी गुन्हा दाखल करून परिसरातील सीसीटीव्ही फुटेज तपासत तपास सुरू केला. तपासादरम्यान, शांतीबेन हनुमान टेकडी परिसरातील फर्निचर दुकान मालकीण रेखा राठोड यांच्या दुकानात जाताना दिसल्या, पण त्या बाहेर पडताना दिसल्या नाहीत. यामुळे पोलिसांना दुकान मालकिणीवर संशय आला, ज्यांना चौकशीसाठी पोलीस ठाण्यात आणण्यात आले.

विश्वासाच्या नात्यातून हत्या

तपासात असे उघड झाले की, घरगुती फर्निचर विक्रेती असलेल्या रेखा राठोड यांचे शांतीबेन यांच्या कुटुंबासोबत चांगले संबंध होते. मृत शांतीबेन यांचा पती हा रेखा राठोडला आपली वहिनी म्हणायचा. या घनिष्ठ संबंधांमुळे दोन्ही कुटुंबांमध्ये दीर्घकाळचा विश्वास निर्माण झाला होता.

हे ही वाचा>> थोरल्या बहिणीला बॉयफ्रेंडसोबत शेतात पकडले, नंतर धाकट्या बहिणीसोबत घडलं भयंकर

पोलिसांच्या म्हणण्यानुसार, रेखा यांनी आपल्या फर्निचरच्या दुकानासाठी आणि पशुपालनासाठी शांतीबेन यांच्याकडून 79 तोळे सोने आणि 2 लाख रुपये रोख घेतले होते. जेव्हा शांतीबेन यांनी पैसे आणि सोने परत करण्यासाठी त्यांच्यावर दबाव आणण्यास सुरुवात केली, तेव्हा पैसे देणे टाळण्यासाठी रेखा यांनी एक भयानक कट रचला.

असा आरोप आहे की, रेखा राठोडने आपला पती आणि इतर दोघांसोबत मिळून शांतीबेन यांच्या हत्येचा कट रचला होता.

प्रसादात मिसळलेले औषध, तारेने गळा दाबून हत्या

पोलिसांच्या तपासात असे उघड झाले आहे की, 23 मार्च रोजी रेखाने शांतीबेनला तिचे पैसे परत करण्याच्या बहाण्याने आपल्या दुकानात बोलावले. तिथे तिला गुंगीचे औषध मिसळलेला प्रसाद देण्यात आला. त्यानंतर तारेने तिचा गळा दाबून तिची हत्या करण्यात आली.

हे ही वाचा>> आरोपीने 8 वर्षाच्या मुलीला संपवलं, नंतर मृतदेह पिठाच्या डब्यात भरला अन् ... अंगावर काटा आणणारी घटना

हत्येनंतर, रेखा आणि तिच्या पतीने मृतदेहाची विल्हेवाट लावण्यासाठी इतर दोन माणसांना बोलावले. असा आरोप आहे की, आरोपींना मृतदेह निर्जन ठिकाणी नेणे शक्य झाले नाही आणि घाईघाईत त्यांनी एका ट्रॅक्टर शोरूमच्या तळघरात तो जाळून टाकला.

पोलिसांच्या माहितीनुसार, या प्रकरणात दोन आरोपींना अटक करण्यात आली आहे, तर इतर दोघे अद्याप फरार असून त्यांचा शोध सुरू आहे.