सुसाइड नोट नसल्याने आव्हान

घटनेची माहिती मिळताच गलता गेट पोलीस ठाण्याचे प्रभारी धर्मसिंह आपल्या पथकासह तातडीने घटनास्थळी दाखल झाले. पोलिसांनी घटनास्थळाची सखोल पाहणी करत फॉरेंसिक सायन्स लॅब (FSL) च्या टीमलाही पाचारण केले. खोलीतील वस्तूंची स्थिती, पंख्याची उंची आणि आजूबाजूला पडलेल्या वस्तूंची सूक्ष्म तपासणी करून महत्त्वाचे पुरावे गोळा करण्यात आले आहेत. घटनास्थळावरून कोणताही सुसाईड नोट सापडलेला नसल्याने पोलिसांसमोरील तपासाचे आव्हान अधिकच वाढले आहे.

हे ही वाचा : राष्ट्रकुल स्पर्धेत सुवर्णपदक मिळवणाऱ्या खेळाडूला ताटकळत ठेवल्याची चर्चा, आता राज ठाकरेंनी दिलं स्पष्टीकरण

महिलांचे कपडे का घातले?

एका जबाबदार कौटुंबिक पार्श्वभूमी असलेल्या आणि तीन मुलांचा सांभाळ करणाऱ्या व्यक्तीने महिलांचे कपडे परिधान करून आत्महत्या का केली, हा या तपासातील सर्वात मोठा प्रश्न ठरत आहे. ही त्याची कोणती वैयक्तिक आवड होती, तो गंभीर मानसिक तणावातून जात होता, की यामागे काही कौटुंबिक वा आर्थिक वाद होता, या सर्व बाजूंनी पोलीस सध्या तपास करत आहेत. मृताच्या कुटुंबीयांना आणि मित्रांनाही या प्रकाराबद्दल काहीच कल्पना नसल्याने पोलीस त्याच्या मोबाईल फोनची आणि डिजिटल ॲक्टिव्हिटीचीही मदत घेत आहेत.

हे ही वाचा : नवरा ICU मध्ये, नवऱ्याचा मृत्यू...,स्मशानभूमीत पहारा; प्रेमविवाहाचा भयानक अंत

सोशल मीडियावर अफवा?

पोलीस प्रशासनाच्या मतानुसार, तरुणाने महिलांचे कपडे घालण्यामागचे मूळ कारण शोधणे हा तपासाचा मुख्य भाग आहे. सध्या मृतदेह शवविच्छेदनासाठी पाठवण्यात आला असून एफएसएल (FSL) आणि पोस्टमार्टम रिपोर्ट आल्यानंतरच या प्रकरणाचा खुलासा होऊ शकेल. समाजात किंवा सोशल मीडियावर कोणत्याही अफवा पसरू नयेत यासाठी पोलीस अत्यंत गांभीर्याने आणि गोपनीयतेने या प्रकरणाच्या सर्व शक्य त्या कोनांतून चौकशी करत आहेत.