वाळू माफियांना पकडायला गेलेल्या तहसीलदारावर ट्रक्टर घालण्याचा प्रयत्न, हवेत फायरींग केल्यामुळे...

हे ही वाचा >> पाकिस्तानमध्ये तब्बल 51 ठिकाणी हल्ले, बलोच आर्मीने म्हटलं आता आम्ही...

तहसीलदारांनी केला हवेत गोळीबार

तहसीलदार विजय चव्हाण यांना शाहगड परिसरात गोदावरी नदीकाठावरून अवैध वाळू उत्खनन आणि तस्करी होत असल्याची माहिती मिळाली होती. या माहितीच्या आधारे चव्हाण आणि त्यांचे पथक कारवाईसाठी घटनास्थळी पोहोचले. यावेळी वाळू माफियांनी तहसीलदारांवर ट्रॅक्टर चढवण्याचा प्रयत्न केला. स्वतःचा जीव वाचवण्यासाठी चव्हाण यांनी हवेत गोळीबार केला, त्यानंतर माफिया घटनास्थळावरून पसार झाले.

दोन ट्रक्टर जप्त, आरोपींविरोधात गुन्हा

या कारवाईत तहसीलदारांच्या पथकाने 11 लाख 10 हजार रुपये किमतीचे रेताने भरलेले दोन ट्रॅक्टर जप्त केले. तहसीलदार विजय चव्हाण यांच्या तक्रारीवरून गोंदी पोलीस ठाण्यात चार अज्ञात आरोपींविरुद्ध गुन्हा दाखल करण्यात आला आहे. गोंदी पोलीस या प्रकरणाचा पुढील तपास करत आहेत. वाळू माफियांच्या या दहशतीमुळे परिसरात खळबळ उडाली असून, प्रशासनाने कठोर कारवाईचे संकेत दिले आहेत.