जेवण करुन परतताना काळाचा घाला

पोलिसांनी दिलेल्या माहितीनुसार, अपघातात मृत्यूमुखी पडलेल्या तरुणीचं नाव भारती मुखी असे असून ती संबंधित मॉलमध्येच सेल्सवुमन म्हणून काम करत होती. घटनेच्या दिवशी दुपारच्या वेळी ती जेवण करून परत कामावर जात असताना, रस्ता ओलांडताना भरधाव आलिशान कारने तिला जोरदार धडक दिली. या धडकेत भारतीच्या डोक्याला गंभीर दुखापत झाली.

हे ही वाचा : धनुष्यबाण चिन्ह गोठवलं तर, कोणाला फायदा? आंबेडकरांचं मोठं विधान

खासदार पुत्राविरोधात गुन्हा

अपघातानंतर भारतीला तातडीने त्याच वाहनातून जवळच्या रुग्णालयात दाखल करण्यात आले, मात्र डॉक्टरांनी तिला मृत घोषित केले. या प्रकरणात माधापूर पोलिसांनी तपास करून गोळा केलेल्या पुराव्यांच्या आधारे, अपघाताच्या वेळी खासदारपुत्र संजूषच कार चालवत असल्याचे स्पष्ट झाले असून त्याच्याविरोधात गुन्हा दाखल करण्यात आला आहे. संजूष हा आंध्र प्रदेशातील जन सेना पार्टीचे राज्यसभा खासदार लिंगमनेनी रमेश यांचा तो मुलगा आहे.

हे ही वाचा : ग्राऊंड रिपोर्ट : 30 अटी, 10 शर्ती आणि पुण्यात राहुल गांधींची छात्रों की गुंज...

आरोपीला अटक का नाही?

मात्र, निष्काळजीपणामुळे हा अपघाती मृत्यू झाला असून हा गुन्हा जामीनपात्र असल्याने आरोपीला अद्याप अटक करण्यात आलेली नाही, अशी माहिती पोलिसांनी दिली. दरम्यान, पोलिसांनी संजूषला चौकशीसाठी नोटीस बजावली असून या प्रकरणाचा पुढील तपास सुरु आहे. या घटनेबाबत खासदार लिंगमनेनी रमेश यांच्याकडून अद्याप कोणतीही प्रतिक्रिया आलेली नाही.