'माझ्या मृतदेहाला वडिलांनी स्पर्श सुद्धा करु नये', वकिलाची इमारतीवरुन उडी मारुन आत्महत्या, सुसाईड नोटमध्ये काय?

लहानपणापासूनची मानसिक त्रास आणि वडिलांची अवाजवी शिस्त

प्रियांशुने आपल्या दोन पानांच्या सुसाईड नोटमध्ये बालपणापासून सोसलेल्या वेदनांचा पाढा वाचला आहे. त्याने आरोप केला आहे की, त्याचे वडील राजेंद्र कुमार श्रीवास्तव यांचे वागणे त्याच्याशी अत्यंत कठोर आणि अमानवीय होते. एका घटनेचा उल्लेख करताना त्याने लिहिले की, लहानपणी फ्रिजमधील आंब्याचा रस पिण्यासारख्या शुल्लक कारणावरून वडिलांनी त्याला विवस्त्र करून घराबाहेर काढले होते. प्रियांशुच्या मते, हा मानसिक छळ केवळ लहानपणापुरता मर्यादित नव्हता, तर तो वकील झाल्यानंतरही सुरूच होता. अभ्यासात संघर्ष करावा लागला तरी वडिलांकडून सहानुभूतीऐवजी केवळ कठोरपणाच वाट्याला आल्याचे त्याने या चिठ्ठीत नमूद केले आहे, ज्यामुळे त्याच्या मनात वडिलांबद्दल मोठी भीती आणि कटुता निर्माण झाली होती.

स्वतःच्या चेंबरमध्ये सन्मान नाही; स्वाभिमानाला पोहोचली ठेच

वकील असूनही प्रियांशुला स्वतःची कोणतीही स्वतंत्र ओळख निर्माण करता आली नव्हती. तो आपल्या वडिलांच्याच चेंबरमध्ये काम करत असे, जिथे त्याला साधा सन्मान किंवा स्वतःची जागाही उपलब्ध नव्हती. दिवसभर वडिलांच्या सेवेत आणि कामात व्यग्र राहूनही प्रियांशु नैराश्यात गेला. सुसाईड नोटमध्ये त्याने स्पष्टपणे म्हटले आहे की, तो कधीही चुकीच्या संगतीत पडला नाही किंवा त्याने कोणतेही व्यसन केले नाही, तरीही वडिलांच्या अवाजवी शिस्तीने आणि वागणुकीने त्याचा स्वाभिमान पूर्णपणे चिरडून टाकला होता. या मानसिक कोंडीतून बाहेर पडण्याचा कोणताही मार्ग न सापडल्याने अखेर त्याने मृत्यूला जवळ करण्याचा निर्णय घेतला. धक्कादायक बाब म्हणजे, 'माझ्या मृतदेहाला वडिलांनी हात लावू नये' अशी शेवटची इच्छा त्याने व्यक्त केल्याने त्याचे वडील राजेंद्र कुमार पूर्णपणे कोलमडून गेले आहेत.

पोलिसांचा तपास आणि बार असोसिएशनची भूमिका

या घटनेची माहिती मिळताच बार असोसिएशनचे पदाधिकारी आणि स्थानिक पोलिसांनी तातडीने घटनास्थळी धाव घेतली. डीसीपी पूर्व सत्यजीत गुप्ता यांनी सांगितले की, प्रियांशुने शेअर केलेले व्हॉट्सॲप स्टेटस आणि सुसाईड नोट हा तपासाचा मुख्य आधार मानला जात आहे. पोलीस आता या चिठ्ठीतील हस्ताक्षराची आणि डिजिटल पुराव्यांची सखोल तपासणी करत आहेत. मुलाच्या अशा आकस्मिक निधनानंतर त्याचे वडील सध्या मोठा धक्का बसल्याने काहीही बोलण्याच्या स्थितीत नाहीत. कानपूर कोर्टातील शेकडो वकीलांमध्ये ही घटना सध्या चर्चेचा विषय ठरली आहे. पोलीस आता हे प्रकरण केवळ कौटुंबिक छळाचे आहे की यामागे आणखी काही गंभीर कारण दडलेले आहे, या दिशेने तपास करत असून लवकरच सत्याचा उलगडा होण्याची शक्यता आहे.

इतर महत्त्वाच्या बातम्या 

'सी माय बनाना', फोटो पाठवून अशरफचे तरुणीला अश्लील मेसेज, म्हणाला; 'आता हिंदू मुलींना मुस्लिम मुलं आवडतात'