Honeytrap : पत्नीच्या मैत्रिणीनेच न्यूड व्हिडिओ बनवून…; LIC एजंटसोबत काय घडलं?

Crime news in Marathi : गेल्या काही महिन्यांत हनीट्रॅपच्या अनेक घटना समोर आल्यात. डीआरडीओचा शास्त्रज्ञ असलेल्या प्रदीप करुलकरही असाच हनीट्रॅपमध्ये फसला. पण, ज्या घटनेबद्दल आपण जाणून घेणार आहोत, ती आहे एलआयसी एजंटची. या एजंटला हनीट्रॅप अडकवणारी तरूणी ही त्याच्याच पत्नीची मैत्रिणी होती.

प्रकरण आहे छत्तीसगडमधील बिलासपूर येथील. एका एलआयसी एजंटला त्याच्या पत्नीच्या मैत्रिणीने हनीट्रॅपच्या जाळ्यात अडकवून मोठी रक्कम मागितली. पत्नीच्या मैत्रिणीने जमीन मिळवून देण्याचे आमिष दाखवत 11 लाख रुपये घेतले होते, मात्र जमीन दिलीच नाही.

तरुणीने कसं अडकवलं जाळ्यात

पैसे परत मागितल्यावर तरुणीने एजंटला घरी बोलावून गोड बोलून दारू पाजली. त्यानंतर तरुणाचा न्यूड व्हिडिओ बनवला. यानंतर ब्लॅकमेलचा घाणेरडा खेळ सुरू झाला. पीडित तरुणाकडूनच 12 लाख रुपयांची मागणी करण्यात आली.

वाचा >> ‘वाढदिवसाला भेट, प्रेम अन् बलात्कार’, मॉडेलने दाखवले व्हिडीओ

पैस न दिल्यास बलात्काराच्या खोट्या गुन्ह्यात अडकवण्याची धमकी देण्यात आली. हे संपूर्ण प्रकरण वर्षभरापूर्वी घडल्याचे सांगण्यात आले, मात्र आता पीडित एजंटने पोलीस ठाण्यात फिर्याद दिल्यानंतर हा प्रकार समोर आला आहे.

नग्न फोटो आणि व्हिडिओ बनवून केले ब्लॅकमेल

एलआयसी एजंट तरुणाने आरोप केला आहे की, त्याला मारहाण करून जीवे मारण्याची धमकीही देण्यात आली आहे. या घटनेने त्रस्त होऊन त्याने पोलीस ठाण्यात तक्रार दाखल केली. एजंट राजच्या पत्नीची बालपणीची मैत्रीण शब्बो बिलासपूरच्या तलपारा येथे राहते, अशी माहिती आहे.

वाचा >> नीलिमा चव्हाण शेवटची भेटलेली ‘त्या’ जोडप्याला.. नेमकं काय घडलं?

2022 मध्ये शब्बोनेच त्याच्या मैत्रिणीची म्हणजेच एलआयसी एजंटच्या पत्नीची चुचुहियापारा रहिवासी असगरशी ओळख करून दिली. दोघेही मित्र झाले. असगरने सांगितले की तो एक प्रॉपर्टी डीलर आहे आणि एलआयसीमध्ये प्रॉपर्टीचे पैसे गुंतवण्यात मदत करू शकतो. यानंतर चर्चा पुढे सरकली आणि पैशांचा व्यवहार झाला. त्यानंतर काही दिवसांनी दोन्ही गटांमध्ये वाद झाला.

पोलिसांनी गुन्हा दाखल करून तपास केला सुरू

पोलीस अधिकारी सीएसपी पूजा कुमार यांनी सांगितले की, “हनिट्रॅप आणि लैंगिक शोषणाच्या या प्रकरणाची गंभीर दखल घेण्यात आली आहे. फिर्यादीनुसार, आरोपीने त्याच्या पत्नीसोबत नग्न फोटो आणि व्हिडिओ बनवले आहेत. ज्याचा वापर त्याला ब्लॅकमेल करण्यासाठी केला जात होता. पोलीस सायबर तज्ज्ञांच्या मदतीने या व्हिडिओ आणि अश्लील फोटोंची सत्यता तपासत आहेत. त्यानुसार पुढील कार्यवाही करणार आहे.”