हे ही वाचा : मुंबई : कॅमेरा असल्याचं माहिती नाही, महिलेने लिफ्टमध्ये तरुणाला किस केलं, व्हिडीओ थेट सोसायटीच्या ग्रुपवर पडला

रेडकू न बांधण्यावरुन वाद

मध्य प्रदेशातील सिंगरोली जिल्ह्यातील ही घटना आहे. 45 वर्षीय रघुनाथ कोल हे आपल्या अल्पवयीन मुलाला मोकळे फिरणारे  रेडकू न बांधल्याबद्दल रागावले होते. याच कारणावरून बाप-लेकामध्ये बाचाबाची झाली आणि रागाच्या भरात मुलाने काठीने वडिलांवर हल्ला केला. या हल्ल्यात रघुनाथ यांच्या डोक्याला गंभीर दुखापत झाली आणि अतिरक्तस्रावामुळे त्यांचा जागीच मृत्यू झाला. घटनेनंतर घाबरलेला मुलगा घरातून पसार झाला होता, मात्र पोलिसांनी तातडीने तपास चक्रे फिरवून त्याला शोधून काढले आणि ताब्यात घेतले.

मुलाला बाल न्याय मंडळासमोर हजर करणार

पोलिसांनी दिलेल्या माहितीनुसार, हा सर्व प्रकार अत्यंत क्षुल्लक वादातून घडला आहे. मोकाट फिरणाऱ्या रेडकाला का बांधले नाही, यावरून वडिलांनी केलेल्या साध्या ओरड्याचे रूपांतर इतक्या मोठ्या हिंसक कृत्यात होईल याची कोणालाही कल्पना नव्हती. पोलिसांनी आरोपी मुलाला ताब्यात घेतले असून, त्याला लवकरच बाल न्याय मंडळासमोर (Juvenile Justice Board) हजर करण्यात येणार आहे.

हे ही वाचा : 14 वर्षाच्या मुलीला लग्नाचे खोटे आमिष दाखवलं, नंतर रेल्वेत जबरदस्ती नेत केले लैंगिक अत्याचार, तरुण पळाला अन्...

हसत्या-खेळत्या कुटुंबाचा शेवट

घटनेची माहिती मिळताच पोलिसांनी घटनास्थळी धाव घेत पंचनामा केला आणि मृतदेह पोस्ट मार्टमसाठी पाठवून दिला. सध्या पोलीस या प्रकरणाचा अधिक तपास करत असून, हत्येपूर्वी नेमके काय घडले आणि वादाचा घटनाक्रम काय होता, याचा शोध घेतला जात आहे. रागावर नियंत्रण न राहिल्यामुळे एका हसत्या-खेळत्या कुटुंबाचा असा दुर्दैवी अंत झाल्याने गावात हळहळ व्यक्त केली जात आहे.