हे ही वाचा : मुंबईची खबर: मुंबईच्या कोस्टल रोडवर भारतातील पहिला 'म्यूझिकल रोड'! वाहनचालकांना अनोखा फील...

गोंदियातून गेली भोपाळला

आरोपी समीर हा व्यवसायाने रिक्षाचालक असून, त्याने इंस्टाग्रामच्या माध्यमातून ओळख झालेल्या सियासोबत काही महिन्यांपूर्वी तिसरे लग्न केले होते. सिया ही मूळची महाराष्ट्रातील गोंदियाची राहणारी होती. समीरच्या भुलथापांना बळी पडून ती त्याच्यासोबत भोपाळला गेली. सुरुवातीला त्याने सिया ही आपली मेहुणी असल्याचे शेजाऱ्यांना सांगितले होते, मात्र नंतर ते पती-पत्नी म्हणून राहू लागले. पोलिसांच्या प्राथमिक तपासानुसार, समीर आणि सिया यांच्यात वारंवार वाद होत असत. या वादातूनच समीरने 9 फेब्रुवारी रोजी तिची हत्या केली आणि पुरावे नष्ट करण्यासाठी तिचा मृतदेह एका पेटीत भरुन पाण्याच्या टाकीत टाकला. विशेष म्हणजे, या पेटीतून त्याच्या दुसऱ्या बायकोने हुंडा दिला होता. त्याची दुसरी बायको त्याला सोडून माहेरी जबलपूरला गेली होती.

दुर्गंधीमुळे पितळ उघडे पडले

हत्या केल्यानंतर समीर आपल्या दुसऱ्या पत्नीला आणण्यासाठी जबलपूरला गेला होता. तो दुसऱ्या पत्नीला घेऊन परतत असतानाच पोलिसांनी त्याला ताब्यात घेतले. पोलिसांनी दिलेल्या माहितीनुसार, सियाच्या शरीरावर जखमांच्या खुणा असून तिचा मृत्यू दोन ते तीन दिवसांपूर्वीच झाला असावा. हत्येनंतर समीरने अत्यंत चलाखीने पुराव्यांची विल्हेवाट लावण्याचा प्रयत्न केला, मात्र पाण्याच्या टाकीतून येणाऱ्या दुर्गंधीने त्याचे पितळ उघडे पाडले.

हे ही वाचा : भाच्याने मामाला भररस्त्यातच धारदार शस्त्राने संपवलं, कौटुंबिक वादातून हत्या, घटनेचा थरार सीसीटीव्हीत

सियाच्या मृत्यूची चर्चा

सध्या पोलिसांनी समीर आणि त्याच्या दुसऱ्या पत्नीला चौकशीसाठी ताब्यात घेतले आहे. फॉरेन्सिक टीमने घटना स्थळावरून महत्त्वाचे पुरावे गोळा केले असून सीसीटीव्ही फुटेज आणि मोबाईल लोकेशनची तपासणी केली जात आहे. सियाचे सोशल मीडियावर हजारो फॉलोअर्स होते, त्यामुळे या प्रकरणाची सर्वत्र चर्चा होत आहे. पोलीस आता या हत्येमध्ये अन्य कोणाचा सहभाग आहे का आणि हत्येचे नेमके ठिकाण कोणते, याचा सखोल तपास करत असून लवकरच अधिकृत खुलासा करण्याची शक्यता आहे.