ऑनलाइन प्रेमाच्या जाळ्यात फसली विवाहिता! आधी न्यूड व्हिडीओ, नंतर लाखो रुपये अन्...

सोशल मीडियावर झाली मैत्री 

पीडित महिलेने पोलिसात केलेल्या तक्रारीच्या आधारे, एका महिन्यापूर्वी त्या महिलेला एका अनोखळी नंबरवरून कॉल आला होता. त्या कॉल करणाऱ्या व्यक्तीने आपलं नाव विपिन आणि स्वत: एनआरआय असल्याचं सांगितलं. त्यावेळी, आरोपीने त्या महिलेला तिच्याशी मैत्री करायची असल्याचं सांगितलं. त्या दिवसापासून ती महिला सुद्धा आरोपीच्या बोलण्यात येऊन आपल्या पतीपासून लपून त्या तरुणाशी बराच काळ फोनवर बोलायची. 

न्यूड व्हिडीओ पाठवला अन्...

काही दिवसांनंतर, विपिनने त्या महिलेला लंडनला येण्यास सांगितलं. पण, पीडितेने त्याला नकार दिला. दोघांच्याही मैत्रीचं प्रेमात रूपांतर झाल्याने आरोपीने पीडितेकडे तिचे फोटो मागण्यास सुरू केलं. संबंधित महिलेने सुद्धा आरोपीवर विश्वास ठेवून त्याला आपले बरेच फोटो पाठवले. इतकेच नव्हे तर पीडितेने आरोपीच्या मागणीनुसार, तिचा न्यूड व्हिडीओ बनवून तरुणाच्या व्हॉट्सअॅप नंबरवर पाठवलं. 

हे ही वाचा: मुंबईची खबर: लवकरच खुला होणार मुंबई सेंट्रलवरील 'हा' ब्रिज... महत्त्वाची अपडेट आली समोर!

गिफ्ट पाठवण्याच्या बहाण्याने लाखो रुपये लुबाडले

व्हिडीओ पाठवल्यानंतर आरोपीने पीडितेला गिफ्ट पाठवण्याच्या बहाण्याने तिच्या आधारकार्डची फोटो कॉपी सुद्धा मागवून घेतली. त्यावेळी, आरोपीने महिलेला एका पार्सल घेण्यास सांगितलं. दुसऱ्या दिवशी, महिलेला अनोळखी नंबरवर कॉल आला आणि त्यावेळी फोन करणाऱ्याने महिलेचं पार्सल आलं असून ते घेण्यासाठी 15,000 रुपये जीएसटी भरावी लागणार असल्याचं सांगितलं. पीडितेने सुद्धा कसलाही विचार न करता ते पैसे भरले. त्यावेळी, आरोपी तरुणाने बरीच टेक्निकल कारणे सांगून तिला मोबाईलवरून पेमेन्ट करायला सांगितलं. आरोपीच्या बोलण्यात येऊन महिलेने त्याला 3 लाख 76 हजार रुपये पाठवले. 

हे ही वाचा: Govt Job: RBI मध्ये 'या' पदांवर मिळवा नोकरी... काय आहे पात्रता? जाणून घ्या, अर्जाची शेवटची तारीख

17 सप्टेंबर रोजी पुन्हा आरोपीने पीडितेला कॉल केला आणि त्यावेळी 2 लाख 85 हजार रुपयांची मागणी केली. महिलेने हे पैसे देण्यास नकार दिला असल्यास आरोपीने पीडितेला पार्सल देणाऱ्या तरुणाशी बोलण्यास सांगितलं. महिलेने त्याच्याशी बोलण्याचा प्रयत्न केल्यास त्याने थेट "आणखी पैसे दे नाहीतर तुझा न्यूड व्हिडीओ व्हायरल करेन", अशी महिलेला धमकी दिली. महिलेला खात्री पटवून देण्यासाठी त्या तरुणाने तिला विपिनने पाठवलेला तिचा न्यूड व्हिडीओ पीडितेला पाठवला. 

या सगळ्या घटनेमुळे पीडिता मानसिक दृष्ट्या खचली. पण, धाडस दाखवून अखेर तिने पोलीस स्टेशनकडे धाव घेतली. पीडितेच्या तक्रारीवरून क्राइम ब्रांचने आरोपीविरुद्ध गुन्हा दाखल केला.