पूर्वजांना मोक्ष मिळवून देण्यासाठी आईने दोन मुलांनाच संपवलं! नंतर, सासऱ्यांना सुद्धा... महिलेचं भयंकर कृत्य

पोलिसांनी दिली माहिती 

पोलिसांनी या प्रकरणाबाबत माहिती देताना सांगितलं की, संबंधित घटना गुरुवारी रात्री नवसारी जिल्ह्याच्या बिलिमोरा कस्बे येथील देसरा परिसरात असलेल्या एका फ्लॅटमध्ये झाली. पोलिसांनी हत्याप्रकरणातील आरोपी महिलेला अटक केली असून ती उत्तर प्रदेशची मूळ रहिवासी असल्याचं सांगितलं जात आहे. 

पोलिसांच्या माहितीनुसार, प्रकरणातील आरोपी महिलेचं नाव सुनीता शर्मा असून ती तिच्या पती शिवकांत, त्यांची मुले आणि सासू-सासऱ्यांसोबत एका अपार्टमेंटमध्ये राहत होती. दरम्यान, शिवकांतला टायफॉइड या मोठा आजार झाल्याने त्याला रुग्णालयात दाखल करण्यात आलं होतं. 

पुर्वजांना मोक्ष मिळवून देण्यासाठी मुलांचा खून

मिळालेल्या माहितीनुसार, सुनीताचे सासू-सासरे शिवकांतसाठी जेवण घेऊन रुग्णालयात गेले होते आणि तिथून परत घरी आल्यानंतर ते झोपून गेले. त्यावेळी, सुनीता तिच्या बेडरूममध्येच होती. खरं तर, ती बऱ्याच दिवसांपासून अस्वस्थ होती. त्या दिवशी, अचानक रात्री ती देवाकडे प्रार्थना करू लागली आणि आपल्या पुर्वजांना मोक्ष मिळवून देण्यासाठी तिने तिच्या दोन्ही मुलांचा गळा दाबून त्यांची हत्या केली. 

हे ही वाचा: विवाहित पुरुषांसोबत रात्र... रोमान्स करून पैसे कमवते! क्लायंट्सच्या पत्नींबद्दल केलं वादग्रस्त विधान

सासऱ्यांच्या हत्येचा प्रयत्न 

सासू-सासऱ्यांनी पोलिसांना माहिती देताना सांगितलं की, मुलांच्या हत्येनंतर, सुनीता तिच्या सासू-सासऱ्यांच्या खोलीत गेली आणि तिने तिच्या सासऱ्यांचा गळा दाबून हत्या करण्याचा प्रयत्न केला. मात्र, त्यावेळी तिचे सासरे कसंबसं घरातून बाहेर पडले आणि त्यांना आजूबाजूला राहणाऱ्या लोकांकडून मदत मागितली. 

हे ही वाचा: पत्नीवर अनैतिक संबंधाचा संशय! दारूच्या नशेत घरी आला अन् पत्नीची निर्घृण हत्या... नंतर, मृतदेह नाल्यात फेकला

यादरम्यान, सुनीताने तिच्या घराचा दरवाजा बंद केला होता. शेजाऱ्यांनी वारंवार दरवाजा ठोठावल्यानंतर सुद्धा तिने दरवाजा उघडला नाही. घटनेची माहिती मिळताच, स्थानिक पोलिसांची टीम घटनास्थळी पोहोचली आणि घराचा दरवाजा तोडून सुनीताला ताब्यात घेतलं. त्यावेळी, सुनीता आपल्या मुलांच्या मृतदेहाजवळ बसली होती.