हे ही वाचा : 'नवरा माझ्यासमोरच सख्ख्या बहिणीसोबत संबंध ठेवतो, पोलिस कारवाईला घाबरतात..' बायकोची महिला आयोगाकडे तक्रार

नवऱ्यासोबत वाद अन् मुलाला संपवले

बुधवारी (11 मार्च) रात्री मनोरमा यादव आणि तिचा नवरा संतोष यादव यांच्यात किरकोळ कारणावरून जोरदार भांडण झाले. नवऱ्यासोबत झालेला हा वाद मनोरमाच्या इतका जिव्हारी लागला की, तिने त्याचा राग आपल्या पाच महिन्यांच्या चिमुरड्यावर काढला. तिने घरातील फरशीच्या तुकड्याने बाळाच्या डोक्यावर जोरदार वार करून त्याला जागीच ठार केले.

स्वयंपाकघरात लपवला मृतदेह

बाळाची हत्या केल्यानंतर पुरावा नष्ट करण्याच्या उद्देशाने मनोरमाने त्याचा मृतदेह स्वयंपाकघरात लपवून ठेवला होता. मात्र, घटनेची माहिती मिळताच पोलिसांनी तातडीने तपास चक्रे फिरवली. पोलिसांनी दिलेल्या माहितीनुसार, गुरुवारी (12 मार्च) पोलिसांनी आरोपी मनोरमा यादवला अटक केली. पोलिसांनी घराची झडती घेतली असता स्वयंपाकघरात लपवलेला बाळाचा मृतदेह त्यांच्या हाती लागला.

हे ही वाचा : वहिणीसोबतच्या अफेअरला आईचा विरोध, धाकट्या मुलाने 'असा' दूर केला अडथळा; नेमकं काय घडलं?

फरशीचा तुकडा जप्त

पोलिसांनी याप्रकरणी कठोर कारवाई करत आरोपी महिलेच्या सांगण्यावरून हत्येसाठी वापरलेला फरशीचा तुकडा देखील जप्त केला आहे. पती-पत्नीमधील वादातून एका निष्पाप जिवाचा बळी गेल्याने हळहळ व्यक्त केली जात आहे. पोलीस सध्या या प्रकरणाचा अधिक तपास करत असून, आरोपी महिलेवर कायदेशीर गुन्हा दाखल करण्यात आला आहे.