पोलीस स्टेशनकडे तक्रार देण्यासाठी निघाली, वाटेत तरुणीच्या मानेवर मित्राकडून ब्लेडने वार

हेही वाचा : 'शर्करावगुंठित'.., विद्यानंद बापटांनी पेटऱ्यातून नवा शब्द काढला, अर्थ आहे तरी काय?

ब्लेडने महिलेच्या मानेवर वार

मिळालेल्या माहितीनुसार, संबंधित महिला आणि त्या व्यक्तीमध्ये एका मुद्द्यावरून वाद झाला होता. या वादानंतर महिलेने महिला पोलिस ठाण्यात जाऊन तक्रार दाखल करण्याचा निर्णय घेतला. ती तक्रार देण्यासाठी पोलिस ठाण्याकडे जात असताना त्या व्यक्तीने तिच्यावर हल्ला केला. त्याने ब्लेडने महिलेच्या मानेवर वार केला. या हल्ल्यात महिला गंभीर जखमी झाली. रक्तबंबाळ अवस्थेत ती मदतीसाठी रस्त्यावर आली.

हेही वाचा : वेदर रिपोर्ट : मराठवाड्याला दिलासा मिळणार? कोणत्या तारखांना मुसळधार पाऊस?

मैत्रिणीवर हल्ला केल्यानंतर स्वत:वरही केले वार 

याचवेळी रस्ते वाहतूक पोलिसांचे कॉन्स्टेबल सुमंत सिंह कच्छावा, रवी मंडेलिया आणि वीरेंद्र भुरिया यांच्या महिलेवर नजर पडली. त्यांनी तातडीने तिच्या मदतीला धाव घेतली. पोलिस कर्मचाऱ्यांनी तिला प्राथमिक उपचार दिले. रुमालाच्या मदतीने तिच्या मानेवर पट्टी बांधण्यात आली. त्यानंतर त्यांनी एक ऑटो रिक्षा थांबवून महिलेला तातडीने खासगी रुग्णालयात दाखल केले. त्यामुळे जखमी महिलेवर वेळेत उपचार सुरू होऊ शकले.

दरम्यान, महिलेवर हल्ला केल्यानंतर त्या व्यक्तीने स्वतःच्या मानेवरही ब्लेडने वार केला. त्यात तो गंभीर जखमी झाला. रस्ते वाहतूक पोलिसांचे कॉन्स्टेबल रवी मंडेलिया आणि कृष्णा यांनी त्यालाही रुग्णालयात दाखल केले. त्याच्यावर उपचार करण्यात आले. सध्या महिला आणि संबंधित व्यक्ती दोघेही धोक्याबाहेर असल्याचे सांगण्यात आले आहे. वाहतूक पोलिसांनी दाखवलेल्या तत्परतेमुळे दोघांनाही वेळेत रुग्णालयात पोहोचवता आले. या प्रकरणात पोलिस तपास करत असून, वादाचे नेमके कारण आणि हल्ल्यापूर्वी घडलेल्या घटनांचा क्रम तपासला जात आहे.