वाशीम : ZP शिक्षक विद्यार्थीनींना करायचा चुकीचा स्पर्श, शिक्षिकेमुळे सगळं उघडकीस

हेही वाचा : वेदर रिपोर्ट : मराठवाड्याला दिलासा मिळणार? कोणत्या तारखांना मुसळधार पाऊस?

विद्यार्थीनी रडत शिक्षिकेकडे आली अन् सगळं उघडकीस 

मिळालेल्या माहितीनुसार, विद्यार्थिनीने काही दिवसांपूर्वी घरी आईला शाळेतील शिक्षक चुकीचा स्पर्श करत असल्याचे सांगितले होते. मात्र, त्यावेळी आईने तिच्या बोलण्याकडे अधिक लक्ष दिले नव्हते. 9 सप्टेंबर रोजी विद्यार्थिनी नेहमीप्रमाणे सकाळी शाळेत गेली होती. दुपारी सुमारे तीन वाजता शाळेतील एका शिक्षिकेने विद्यार्थिनीच्या आईला फोन करून तातडीने शाळेत बोलावले. विद्यार्थीनी रडत शिक्षिकेकडे आली आणि शिक्षिकेने शाळेतून जाऊ नये, असे तिला सांगितले. त्यानंतर कारण विचारले असता विद्यार्थीनीने शिक्षकाच्या कथित गैरवर्तनाबाबत शिक्षिकेला सांगितले.

हेही वाचा : 'शर्करावगुंठित'.., विद्यानंद बापटांनी पेटऱ्यातून नवा शब्द काढला, अर्थ आहे तरी काय?

आरोपी शिक्षकाला अटक, कोणत्या कलमान्वये गुन्हा? 

विद्यार्थीनीच्या आईने पोलिसांना दिलेल्या तक्रारीनुसार, आरोपी शिक्षक विद्यार्थीनी आणि तिच्या वर्गातील इतर मुलींना अभ्यास सांगण्याच्या कारणाने बोलवत होता. त्यानंतर त्यांना चुकीचा स्पर्श करत असल्याचा आरोप आहे. विद्यार्थीनीने ही बाब शिक्षिकेला सांगितल्यानंतर तिच्या आईला शाळेत बोलावण्यात आले. त्यावेळी शाळेच्या परिसरात गावातील अनेक महिला आणि पुरुष जमले होते. शिक्षकाच्या कथित कृत्याबाबत गावकऱ्यांनी त्याला मारहाण केल्याचेही तक्रारीत नमूद करण्यात आले आहे.

वाशिम ग्रामीण पोलीस ठाण्याच्या ठाणेदार श्रीदेवी पाटील यांनी दिलेल्या माहितीनुसार, शाळेतील 10 ते 12 विद्यार्थिनींचे इन-कॅमेरा जबाब नोंदवण्यात आले आहेत. आरोपी शिक्षकाविरोधात भारतीय न्याय संहितेच्या कलम 75(2) तसेच पॉक्सो कायदा 2012 मधील कलम 8, 10 आणि 12 अंतर्गत गुन्हा दाखल करण्यात आला आहे. पोलिसांनी आरोपी शिक्षकाला अटक केली असून या प्रकरणाचा पुढील तपास सुरू आहे.