मॉडेलला पकडण्यासाठी 50 हजारांचं बक्षीस, अखेर नागपुरात सापडली, नेमकं कोणतं कांड केलं?

हेही वाचा : “एकनाथ शिंदेंनी भाजपकडून 500 कोटी घेऊन मला...”; मनोज जरांगेंनी थेट शिंदेंना आव्हान देत उडवून दिली खळबळ!

श्रद्धा दुबे सतत आपले ठिकाण बदलत होती

लखनऊ पोलिसांनी दिलेल्या प्रसिद्धिपत्रकानुसार, हजरतगंज पोलीस ठाण्यात दाखल असलेल्या शिवा शर्मा हत्या प्रकरणात श्रद्धा दुबे, रश्मी दुबे आणि तन्वीर उर्फ दानिश हे तिघेही आरोपी म्हणून हवे होते. या तिघांवर प्रत्येकी 50 हजार रुपयांचे बक्षीस जाहीर करण्यात आले होते. शिवा यांची आई रंजना शर्मा यांनी दिलेल्या तक्रारीवरून भारतीय न्याय संहितेच्या कलम 103 (1) अंतर्गत गुन्हा दाखल करण्यात आला होता. तिघांना अटक केल्यानंतर आवश्यक कायदेशीर प्रक्रिया पूर्ण करून नागपुरातून लखनौला आणले जात आहे. या प्रकरणातील पुढील कायदेशीर कारवाई सुरू आहे. पोलिसांच्या म्हणण्यानुसार, श्रद्धा दुबे फरार असताना सतत आपले ठिकाण बदलत होती. त्यामुळे तिचा शोध घेण्यासाठी विविध माहितीच्या आधारे तपास करण्यात आला.

हेही वाचा : ‘घँऽऽ घँऽऽ’...,दुचाकीचा आवाज अन् गोकुळ जिंकताच कोल्हापूर स्टाईलने जल्लोष; पाहा व्हिडीओ

तरुण व्यावसायिक शिवा शर्मा मृत्यू प्रकरण नेमकं काय आहे? 

या प्रकरणाची सुरुवात लखनऊमधील तरुण व्यावसायिक शिवा शर्मा यांच्या संशयास्पद मृत्यूने झाली. शिवा यांचा एका इमारतीच्या चौथ्या मजल्यावरून पडून मृत्यू झाला होता. त्यानंतर त्यांच्या आई रंजना शर्मा यांनी मॉडेल आणि सोशल मीडिया इन्फ्लुएन्सर श्रद्धा दुबे हिच्यावर मुलाच्या हत्येचा गंभीर आरोप केला. शिवा मागील चार महिन्यांपासून श्रद्धासोबत लिव्ह-इनमध्ये राहत होते, असा दावा त्यांच्या आईने केला. आरोपींनी शिवा यांना आधी मारहाण केली आणि त्यानंतर चौथ्या मजल्यावरून खाली ढकलले, असा आरोपही त्यांनी केला. या प्रकरणात हत्या केल्याचा गुन्हा दाखल झाल्यानंतर श्रद्धा, तिची बहीण रश्मी आणि चालक तन्वीर अली उर्फ दानिश फरार झाले होते. दरम्यान, श्रद्धाने एक व्हिडीओ प्रसिद्ध करून स्वतःची बाजू मांडली होती. शिवा यांचा मृत्यू ही हत्या नसून आत्महत्या असल्याचा दावा तिने केला होता. आपण लपून बसलेलो नसून पोलिसांसमोर सत्य मांडू इच्छित असल्याचेही तिने म्हटले होते. आता तिघांना अटक झाल्यानंतर या प्रकरणाच्या पुढील तपासाकडे लक्ष लागले आहे.