पालघर हादरलं! पोटच्या मुलाने बापाचा गळा चिरून केली हत्या, घटनेनं परिसरात खळबळ

हे ही वाचा : आत्याचा मुलगा छेड काढतो म्हणून घर सोडले, आता अडकली जाळ्यात

प्राप्त झालेल्या माहितीनुसार, व्यापारी मोहनलाल परमान आपला मुलगा मुकेशसोबत पालघरच्या पूर्व रामनगर स्थित पिया ओरियन ग्रँड इमारतीच्या चौथ्या मजल्यावरच्या फ्लॅट क्रमांक 401 मध्ये राहत होती. सांगितले जातेय की, घटनेनंतर घरात वडील आणि मुलगाच होता, तर मोहनलालची पत्नी ही काही दिवसांपूर्वीच गावी गेली होती. 

मोहनलाल परमारचा मृतदेह रक्ताच्या थारोळ्यात

घडलेल्या या घटनेनंतर, मोहनलाल परमारच्या लहान मुलाने अनेकदा फोन केला, मात्र कोणतेही उत्तर दिले नाही. यानंतर आपल्या ओळखीच्या साथीदाराच्या मोबाईल फोनवरून फोन करण्यास सांगितले होते, नंतर घरी जाऊन पाहण्यास देखील सांगितले होते. जेव्हा परिचित हे फ्लॅटवर पोहोचले असता, घरात मोहनलाल परमारचा मृतदेह हा रक्ताच्या थारोळ्यात आढळून आला होता. यानंतर पोलिसांना या घटनेची माहिती मिळाली होती. 

या घटनेची माहिती मिळताच पोलिसांनी घटनास्थळी धाव घेतली आणि पुढील तपास सुरू केला. तांत्रिकदृष्ट्या माहितीनुसार, पोलिसांनी आरोपी मुलाचा तपास सुरू ठेवला होता. पोलिसांनी कारवाई करत घटनेनंतर गुजरातच्या भरूचहून आरोपीला ताब्यात घेतले. 

पैशांतून वाद झाल्याचा संशय

प्राथमिक माहितीनुसार, आरोपी मुलाने आपल्या वडिलांकडून पैशांची मागणी केली होती. यावरून मोठा वाद निर्माण झाला होता. पैशांतून हा वाद झाल्याचा संशय व्यक्त करण्यात आला. दरम्यान हत्येमागील नेमकं ठोस कारण अद्यापही समोर आलेलं नाही. 

हे ही वाचा : नागपूर: विद्यार्थिनीला पाठवले अश्लील मेसेज, सिम्बायोसिस लॉ कॉलेजच्या प्रोफेसरचं लज्जास्पद कृत्य

पालघर पोलीस अधिक्षक यतिश देशमुख यांच्या माहितीनुसार, पोलीस पोलीस हत्येमागील संभाव्य हेतू आणि आर्थिक वादासह इतर बाबींचा तपास करत आहेत. या घटनेनं परिसरातील लोकांना मोठा हादरा बसला आहे.