नागपूर: विद्यार्थिनीला पाठवले अश्लील मेसेज, सिम्बायोसिस लॉ कॉलेजच्या प्रोफेसरचं लज्जास्पद कृत्य

हे ही वाचा : टायगर श्रॉफवर गोळीबार, 15 तासांत शुटर कोटा येथे कसे पोहोचले?

पीडितेला प्रोफेसर पाठवत होता अश्लील मेसेज  

घडलेल्या घटनेनुसार, ज्या शिक्षकावर अश्लील मेसेज पाठवल्याचा आरोप केला तोच शिक्षक अलीगढ मुस्लिम युनिवर्सिटीतील शिक्षक आहे. यापूर्वी हाच शिक्षक हैदराबाद येथे एका विद्यालयात नोकरी करत होता. सध्या ते नागपूरमधील वाठोडा येथील सिम्बायोसिस लॉ युनिव्हर्सिटीमध्ये प्राध्यापक म्हणून कार्यरत असल्याचे सांगितले जाते. या प्रकरणात सांगितले गेले की, विद्यार्थ्यांना अश्लील आणि धर्माबाबत कथितरित्या अपत्तीजनक संदेश पाठवत होता. परिस्थिती पाहता संबंधित शिक्षकाला तात्काळपणे निलंबित केले जावे अशी मागणी जोर धरू लागली. 

शिक्षकाला निलंबित न केल्याने आंदोलकांमध्ये नाराजीचा सूर 

यादरम्यान आंदोलन सुरु असताना पोलीस प्रशासनाने कठोर कारवाईचे आश्वासन दिले आहे. विद्यालयाच्या प्रशासनाने संबंधित शिक्षकाविरुद्ध 15 दिवसांदरम्यान कठोर कारवाईचे करण्याचे आश्वासन दिले होते. अजूनपर्यंत शिक्षकाला निलंबित न केल्याने आंदोलकांमध्ये नाराजीचा सूर आहे. कॉलेजच्या विद्यार्थिनींच्या सुरक्षिततेचा प्रश्न ऐरणीवर आला. 

हे ही वाचा : अंबाजोगाईत दारुड्या पतीच्या त्रासाला कंटाळून विवाहितेनं स्वत:ला संपवलं; नवऱ्यावर गुन्हा दाखल

या घटनेनंतर सोशल मीडियावरही हे प्रकरण चर्चेचा विषय बनले आहे. कॉलेजचे विद्यार्थी प्रोफेसरशी संबंधित विविध पोस्ट आणि किस्से शेअर करत आहेत. दरम्यान, शनिवारी विविध विद्यार्थी संघटना आणि विश्व हिंदू परिषदेच्या सदस्यांनी महाविद्यालय परिसराबाहेर आंदोलन केल्याने तणावपूर्ण वातावरण निर्माण झाले.