Pune, MPSC: ‘दर्शना पवारला राहुल दीदी, दीदी… बोलयचा’, धक्कादायक माहिती समोर

Darshana Pawar Murder: पुणे: MPSC परीक्षेत राज्यात तिसरा क्रमांक पटकावणाऱ्या दर्शना पवारच्या (Darshana Pawar) हत्येचं (Murder) खरं कारण काय? याचं गूढ अजूनही कायम आहे. आरोपी राहुल हांडोरे (Rahul Handore) हा दर्शनाचा बालपणीचा मित्र होता. पुण्यात (Pune) राहत असताना राहुल हा अनेकदा दर्शनाला तिच्या रुमवरुन तिला MPSC क्लासमध्ये देखील बाइकवरुन सोडायचा. असंही अनेक जण सांगत आहेत. मात्र, तिच्या घरच्यांनी दिलेल्या माहितीनुसार, दर्शनाने MPSC चा क्लासच लावला नव्हता. ती स्वत:च अभ्यास करायची. आता याच सगळ्याबाबत अनेक महत्त्वाच्या गोष्टी या तपासात समोर आल्या आहेत. (murder mpsc topper darshana pawar father claimed daughter no relationship accused rahul handore pune crime news)

दर्शनाच्या वडिलांचा धक्कादायक दावा…

दर्शना नेमकी कसा अभ्यास करायची याबाबत जेव्हा आम्ही दर्शनाच्या वडिलांशी संवाद साधला तेव्हा त्यांनी सांगितलं की, दर्शना ही आधीपासूनच अभ्यासात हुशार होती. तिला दहावीत 93 टक्के गुण होते. बारावीमध्ये 92 टक्के गुण.. आणि ग्रॅज्युएट होईपर्यंत ती तिच्या वर्गात पहिली किंवा दुसरीच असायची.

कोव्हिड काळात तिने यूपीएससीचा अभ्यास देखील करत होती. तसंच ती आवर्जून ज्ञानेश्वरी देखील वाचायची. महाभारत, रामायण आणि गीता पठण देखील ती करायची. दर्शना मुळात हुशार असल्याने तिच्याकडून तिच्या कुटुंबीयांना बऱ्याच अपेक्षा होत्या.

दर्शनाला काय सांगून राहुल हांडोरेने राजगडाकडे नेलं याचं सुद्धा गूढ कायम आहे. त्या प्रश्नांची उत्तरं मिळविण्याचा पोलीस आता प्रयत्न करत आहेत.

हे ही वाचा>> Pune MPSC: दर्शना पवारची राहुलने केली दगडाने ठेचून हत्या?, धक्कादायक माहिती समोर

दर्शनाच्या वडिलांनी मुंबई Tak शी संवाद साधताना म्हटलं की, राहुल हांडोरे आणि दर्शना जरी लहानपणीचे मित्र होते.. पण ते पुण्यात एकमेकांना भेटतील असं आम्हाला वाटलं नव्हतं. पुण्यात त्यांची भेट झाली.. राहुल तिला दीदी.. दीदी म्हणायचा.. जवळीक साधण्याचा प्रयत्न करायचा.

दरम्यान, या हत्येनंतर अशीही चर्चा होती की, दर्शना आणि राहुल यांच्यात प्रेमसंबंध होते. पण दर्शनाच्या वडिलांनी याला सरळसरळ नकार दिला आहे. दर्शनाने कधीही याबाबत सांगितलं नाही. किंबहुना ती असं करू शकत नाही.. तिला तिचा अभ्यास आणि कुटुंब हेच महत्त्वाचं होतं. असं तिच्या वडिलांचं म्हणणं आहे.

ज्या दिवशी दर्शना राहुलच्या बाइकवर बसून राजगडाकडे गेली त्या दिवशी ती तिच्या मैत्रिणीला सांगितलं की, ती सिंहगडावर जात आहे. पण ती पोहचली मात्र राजगडाकडे. राहुलने तिला काय सांगून राजगडाकडे नेलं?

कदाचित त्याने तिला असंही सांगितलं असावं की, अन्य मित्र सुद्धा त्यांच्यासोबत राजगडाकडे येत आहे. म्हणून ते राजगडाकडे गेले.

दर्शना-राहुल सिंहगडाऐवजी राजगडाकडे का गेले?

पोलिसांकडून मिळालेल्या माहितीनुसार राजगडाच्या पायथ्याशी गुंजवणे जे गाव आहे तिथून जवळपास दीड किमीचं अंतर.. म्हणजे सतीच्या माळापर्यंत दोघेही पायी गेले. तीच वाट राजगड किल्ल्याकडे जाते. पण सतीचा माळ तिथून साधारण साडे तीनशे मीटर दूर म्हणजे आडोशाला.. जिथे कोणी जात नाही. तिथे हे दोघे बसले.

हे ही वाचा>> Pune, MPSC: राहुलसोबत लग्नाला नकार, दर्शना पवारच्या कुटुंबीयांनी नव्हे तर…

तिथे त्यांनी बराच वेळ गप्पा देखील मारल्या असाव्या. याच ठिकाणी काही बाचाबाची सुद्धा झाली. यावेळी असंही सांगण्यात येत आहे की, राहुलच्या मनात जी इच्छा होती की, दर्शनाशी लग्न करावं.. त्याचा प्रस्ताव तो वारंवार तिला देत होता. तो परत एकदा त्याने तिला दिला असावा. यावेळी जेव्हा तिने नकार दिला त्यावेळी राहुलने तिच्यावर वार केला आणि तिची दगडाने ठेचून निर्घृण हत्या केली.

12 जूनला तिची हत्या झाली.. 18 जून रोजी तिचा मृतदेह कुजलेल्या अवस्थेत सापडला. त्यानंतर पोस्टमार्टम अहवालात अनेक जखमा तिच्या शरीरावर असल्याचे आढळून आले.