"तो माझ्या समोरच आहे..." सहा महिने पोलिसांना गुंगारा, बलात्कारातला आरोपी कसा सापडला? खबऱ्याने...

या प्रकरणातील पीडित 21 वर्षीय तरुणी आणि तिचा मित्र, दोघेही पुण्याबाहेरील महाविद्यालयीन विद्यार्थी, 3 ऑक्टोबर 2024 रोजी रात्री 11 वाजण्याच्या सुमारास बोपदेव घाट परिसरात मोटरसायकलवरून फिरत होते. त्यावेळी तीन आरोपींनी धारदार शस्त्रांचा धाक दाखवून त्यांच्याकडील मौल्यवान वस्तू लुटल्या. 

हे ही वाचा >> राजाच्या हत्येचा मास्टरमाईंड कोण? सोनमने घरच्या नोकराला पटवलं अन्...खळबळजनक माहिती समोर!

यानंतर, त्यांनी तरुणीच्या मित्राला त्याच्या शर्ट आणि बेल्टने बांधून तिला एका निर्जन ठिकाणी ओढत नेलं आणि तिच्यावर सामूहिक बलात्कार केला. दरम्यान, या घटनेने संपूर्ण पुणे शहरात संतापाची लाट उसळली होती. पुणे शहर पोलिसांच्या गुन्हे शाखेने तातडीने कारवाई करत दोन आरोपींना काही दिवसांतच अटक केली. चंद्रकुमार रविप्रसाद कनोजिया (वय २०, मूळ दिंदोरी, मध्य प्रदेश) याला 10 ऑक्टोबर रोजी आणि अख्तर बाबू शेख उर्फ शोएब (वय 27) याला 14 ऑक्टोबर रोजी प्रयागराज येथून अटक करण्यात आली. पोलिसांनी शेख हा या गुन्ह्याचा मुख्य सूत्रधार असल्याचे सांगितले होते.

मात्र, तिसरा आरोपी सूरज गोसावी हा गेल्या सहा महिन्यांपासून फरार होता. त्याने आपला मोबाइल फोन बंद ठेवला होता आणि पत्नी, कुटुंब किंवा मित्रांशी संपर्क साधला नव्हता. पुणे शहर आणि ग्रामीण पोलिसांच्या अनेक पथकांनी त्याचा शोध घेतला. सुरुवातीला अटक केलेल्या दोन आरोपींनी गोसावीचx नाव सोमनाथ यादव असं खोटं सांगून तपासाला खीळ घालण्याचा प्रयत्न केला. मात्र, पोलिसांनी पडताळणीनंतर त्याचं खरं नाव सूरज दशरथ गोसावी उर्फ बाप्या असल्याचं कळलं केले.

हे ही वाचा >> ढाब्यावर पोलिसांनी आवळल्या सोनमच्या मुसक्या! पती राजाची हत्या का केली? समोर आली मोठी अपडेट

पुणे ग्रामीण पोलिसांच्या एका अधिकाऱ्याने सांगितले, “गोसावीचा शेवटचा ठावठिकाणा वालचंदनगर पोलीस स्टेशनच्या हद्दीत होता. या संवेदनशील प्रकरणामुळे पुणे शहर गुन्हे शाखेसोबतच पुणे ग्रामीण पोलिसही त्याचा शोध घेत होते.” वालचंदनगर पोलीस स्टेशनचे सहाय्यक निरीक्षक राजकुमार दुनगे यांच्या नेतृत्वाखालील पथकानं गुप्त माहितीदारांच्या माध्यमातून गोसावीच्या हालचालींवर लक्ष ठेवले होते.

26 एप्रिल रोजी एका खबऱ्याने वालचंदनगर पोलिसांना फोन करून सांगितलं, “तो (बाप्या) माझ्यासमोर आहे.” त्यावेळी पोलीस पथक एका दुसऱ्या प्रकरणाच्या तपासासाठी तिथेच रस्त्यावर होते. बाप्या एका पाण्याच्या टँकरच्या केबिनमध्ये बसल्याचं सांगितलं. पोलिसांनी माहितीदाराला टँकरचा पाठलाग करण्यास सांगितलं आणि स्वतःही त्याच्या मागावर लागले. अकलूजच्या बसस्थानकावर गोसावी खाली उतरताच पोलिसांनी त्याला ताब्यात घेतलं आणि नंतर पुणे शहर पोलिसांच्या गुन्हे शाखेकडे सुपूर्द केले.

दरम्यान, या अटकेमुळे बोपदेव घाट सामूहिक बलात्कार प्रकरणातील तिन्ही आरोपी आता पोलिसांच्या ताब्यात आहेत. पुढील तपास पुणे शहर पोलिसांची गुन्हे शाखा करत आहे.