लैंगिक अत्याचाराचं व्हिडीओ चित्रीकरण

आजीच्या प्रकृती अस्वास्थ्यामुळे या अल्पवयीन मुलीला मोगा येथील तिच्या मामाच्या घरी काही दिवसांसाठी पाठवण्यात आले होते. तिथे असताना, आरोपी महिलेच्या सांगण्यावरून तिच्या दोन मित्रांनी (जोरा सिंह आणि काका सिंह) या निष्पाप मुलीवर अत्याचार केला. एका रात्री आरोपींनी घरातच हे कृत्य केले, तर दुसऱ्या आरोपीने अत्यंत लाजीरवाणी कृती करत या संपूर्ण अत्याचाराचा अश्लील व्हिडिओ मोबाईलमध्ये कैद केला.

हे ही वाचा : अजित पवार यांच्या NCP मधील इनसाईड स्टोरी, नेमकं काय घडतंय?

ब्लॅकमेल करुन अत्याचार

हा काळाबाजार इथेच थांबला नाही, तर नराधमांनी या व्हिडिओच्या जोरावर मुलीला ब्लॅकमेल करण्यास सुरुवात केली. कोणाला सांगितल्यास व्हिडिओ सोशल मीडियावर व्हायरल करण्याची धमकी देत आरोपींनी तिचा मानसिक व शारीरिक छळ सुरू ठेवला. याच धमक्यांच्या जोरावर 15 सप्टेंबर 2026 रोजी मुख्य आरोपी जोरा सिंह याने पुन्हा एकदा त्या अल्पवयीन मुलीवर जबरदस्ती करून दुष्कर्म केले.

हे ही वाचा : अश्लील व्हिडिओ, डाउनलोड हिस्ट्रीचा तपास; मुलींच्या लैंगिक शोषणाचा पर्दाफाश

प्रकरण बाहेर कसं आलं?

सततच्या या भयंकर त्रासामुळे गांगरून गेलेल्या अल्पवयीन मुलीने अखेरीस धाडस करून घडलेला प्रकार आईला सांगितला. मुलीचे शब्द ऐकून कुटुंबीयांच्या पायाखालची जमीनच सरकली. याप्रकरणी पीडित मुलीच्या आईच्या तक्रारीवरून शहर पोलीस ठाण्यात मुख्य आरोपी महिलेसह तिन्ही नराधमांविरोधात विविध गंभीर कलमांनुसार गुन्हा दाखल करण्यात आला असून, पोलीस सध्या या प्रकरणाचा कसून शोध घेत आहेत.