बायकोला प्रियकरासोबत दारू पिताना पकडलं, संतापलेल्या नवऱ्याने….काय घडलं?

Murder Case: कोणत्याही अनैतिक संबंधांचे परिणाम हे बहुतांशी रक्तरंजितच असतात. त्यामुळे असाच एक प्रकार हरियाणातील कर्नाल जिल्ह्यात घडला आहे.  येथे एक महिला तिच्या कुस्तीपटू असलेल्या बॉयफ्रेंडसोबत (Boyfriend) तिच्याच घरात दारूची पार्टी करत होती. त्याची वेळी तिचा नवरा घरी आला. त्यावेळी त्याने आपल्या बायकोकडे जेवण मागितले असता तिच्या बॉयफ्रेंडने हस्तक्षेप केला. त्यावरून त्या दोघांमध्ये जोरदार वाद झाला. त्यावेळी रागाच्या भरात तिच्या नवऱ्याने पैलवान असलेल्या बॉयफ्रेंडची काठीने मारहाण करून त्याची हत्या केली. त्यानंतर ज्याने हल्ला केला तो मानसिकदृष्ट्या कमकुवत असल्याचे सांगण्यात येत आहे. ही घटना घडल्यानंतर मात्र पत्नी फरार असल्याचे सांगण्यात येत आहे.

बॉयफ्रेंडचा मृतदेह

पोलिसांनी सांगितले की, आठवडाभरापूर्वी झालेल्या या हत्येचा खुलासा करताना त्यांनी सांगितले की, याप्रकरणी आता हल्ला करणाऱ्या नवऱ्याला आणि त्याच्या पत्नीला अटक केली आहे. त्या घटनेनंतर आरोपी पती हा घरीच होता, तर तिथेच पत्नीच्या बॉयफ्रेंडचा मृतदेह घरीच पडून होता. तर हा घडलेला प्रकार पाहून पत्नी फरार झाली होती.

हे ही वाचा >> हवी होती मुलगी.. पण तिसरा मुलगा होताच बापाने घेतला चिमुकल्याचा जीव

लोकेशन ट्रेस

या प्रकरणातील पत्नी घटना घडून गेल्यानंतर पळून गेली होती. त्यामुळे पोलिसांना या घटनेचा तपास करताना अडचणी जाणवत होत्या. त्यामुळे पोलिसांनी सापळा रचून पत्नीला चालत्या ट्रेनमधून ताब्यात घेतले आहे. यावेळी पोलिसांनी सांगितले की, पत्नी एक्स्प्रेस ट्रेनने पळून गेली होती मात्र पोलिसांनी लोकेशन ट्रेस करून तिला ताब्यात घेतले.

आरोपीसाठी रेल्वे थांबवली

पैलवानाची हत्या झाल्याचे कळाल्यापासून पोलीस तिचा मोबाईल ट्रेस करून लोकेशन ट्रेस करत होते. त्यावेळी पोलिसांना समजले की, ती मुंबई-कटरा स्वराज एक्स्प्रेसमधून ती प्रवास करत आहे. त्यानंतर रेल्वे पोलिसांनी सांगून तिला अटक केली. आरोपी पत्नी रेल्वेत असल्याचे सांगून मोटरमनला सांगून रेल्वे पुढील स्टेशनवर थांबवून तिला ताब्यात घेण्यात आले. पोलिसांनी ज्यावेळी रेल्वे डब्यात प्रवेश केला त्यावेळी तिने लपण्याचा प्रयत्न केला मात्र पोलिसांच्या नजरेतून ती सुटली नाही.

पत्नी फरार झाली

त्यानंतर महिला पोलिसांच्या मदतीने तिला ताब्यात घेण्यात आले. त्यानंतर तिने कर्नाल पोलिसांनी सगळी घडलेली घटना सांगितली.  पोलिसांनी सांगितले की, कर्नालच्या संगोहामध्ये राहणारी जरीना खान उर्फ ​​राणी आणि शाहपूरमधील कृष्णा पहेलवान या दोघांमध्ये अनैतिक संबंध असल्याचे सांगितले. नवरा मानसिकदृष्ट्या कमकुवत असल्याने ती दोघं त्याच्या समोरच भेटत होती असंही पोलिसांनी यावेळी सांगितले. मात्र त्यादिवशी पत्नीचा बॉयफ्रेंड आणि ती दारू पित बसली होती, त्यावेळी नवरा आल्यावर त्यांच्यामध्ये वाद झाला आणि त्याने काठीने हल्ला करताच त्याचा जागीच मृत्यू झाला. त्यानंतर पत्नी फरार झाली होती.