हे ही वाचा : लग्नानंतर वर्षाच्या आत नवऱ्याचा मृत्यू, वहिनीचा दीराकडे लग्नासाठी हट्ट, शेवटी जंगलात मीठ टाकलेली बॉडी सापडली

सासूने सुनेला आक्षेपार्ह अवस्थेत बघितले

मिळालेल्या माहितीनुसार, हिना असं सुनेचं नाव आहे. मृत सासू अन्वरी बेगम यांचा मुलगा अमीर आणि पती अन्वर हे कामाच्या निमित्ताने घराबाहेर राहत असत. 2 मार्च रोजी रात्री उशिरा हिनाचा शेजारी राहणारा प्रियकर आदिल तिला भेटण्यासाठी घरी आला होता. याच दरम्यान सासू अनवरी बेगम यांनी त्या दोघांना आक्षेपार्ह अवस्थेत रंगेहात पकडले. आपण पकडले गेलो आहोत आणि आता समाजात बदनामी होईल, या भीतीने हिना आणि आदिलने संतापून अनवरी बेगम यांच्या तोंडावर उशी ठेवून त्यांचा श्वास गुदमरवून खून केला.

हॉर्ट अॅटॅकमुळे मृत्यू झाल्याचा बनाव

हा गुन्हा केल्यानंतर सुनेने अतिशय चलाखीने घरच्यांना माहिती दिली की, सासूचा मृत्यू हार्ट अॅटॅकमुळे झाला आहे. घरात पुरुष मंडळी नसल्याने आणि सुनेच्या बोलण्यावर विश्वास ठेवून नातेवाईकांनी अनवरी बेगम यांचा मृतदेह घाईघाईने स्मशानभूमीत दफन केला. मात्र, काही दिवसांनंतर पती अन्वर घरी परतल्यावर त्यांना शेजाऱ्यांकडून काही संशयास्पद गोष्टी समजल्या. पत्नीचा मृत्यू नैसर्गिक नसून तिची हत्या झाली असावी, असा संशय अन्वर यांना आला. त्यांनी तात्काळ जिल्हाधिकाऱ्यांकडे धाव घेऊन न्यायाची मागणी केली आणि मृतदेहाच्या पोस्ट मार्टमची मागणी केली.

हे ही वाचा : सातारा : दहावीचा मराठीचा पेपर सहावीच्या विद्यार्थिनींकडून तपासून घेतला, फलटणमधील शाळेतील धक्कादायक प्रकार, व्हिडिओ व्हायरल

आरोपींची रवानगी तुरुंगात

प्रशासनाच्या आदेशानुसार 10 मार्च रोजी दंडाधिकारी आणि पोलिसांच्या उपस्थितीत मृतदेह थडग्यातून बाहेर काढण्यात आला. पोस्ट मार्टम अहवालात अन्वरी बेगम यांचा मृत्यू गळा दाबल्यामुळे झाल्याचे स्पष्ट झाले. यामुळे सुनेचा बनाव उघड पडला. पोलिसांनी सांगितले की, अनैतिक संबंध सासूने पाहिल्यामुळेच सुनेने प्रियकरासोबत मिळून ही हत्या केली होती. पोलिसांनी सून हिना आणि तिचा प्रियकर आदिल या दोघांनाही अटक केली असून त्यांची रवानगी तुरुंगात करण्यात आली आहे.