हे ही वाचा : मुंबई : मानखुर्दमध्ये फालुदा विक्रेत्याची चाकूने सपासप वार करुन हत्या, हादरवून टाकणारं सीसीटीव्ही फुटेज समोर

 घरी कोणी नसताना साधला डाव

अभिलाषा कुमारीचे लग्न आठ महिन्यांपूर्वी अभिषेक याच्याशी झाले होते. अभिलाषा चार महिन्यांची गर्भवती होती. रविवारी (8 फेब्रुवारी) रात्री जेव्हा घरात कोणी नव्हते, तेव्हा सासरा टुनटुन मेहता याने सुनेवर बलात्कार करण्याचा प्रयत्न केला. यावेळी अभिलाषाने आपल्या चारित्र्यासाठी आणि पोटातील बाळाच्या सुरक्षिततेसाठी जोरदार प्रतिकार केला. या विरोधाने संतप्त झालेल्या सासऱ्याने तिचा गळा घोटून तिला जागीच ठार केले.

पत्नीचा मृतदेह लपवण्यासाठी वडिलांना मदत

जेव्हा पती अभिषेक घरी परतला, तेव्हा त्याला सत्य समजले. मात्र, पत्नीला मृत्यूचं दु:ख त्याला झालंच नाही. उलट त्याने वडिलांचा गुन्हा लपवण्याचा कट रचला. दोघांनी मिळून रात्रीच्या अंधारात अभिलाषाचा मृतदेह एका हातगाडीवर लादला आणि त्यावर कोंबडीच्या खाद्याची पोती रचून तो मृतदेह स्वतःच्या पोल्ट्री फार्ममध्ये लपवून ठेवला. अभिलाषाच्या आईला तिच्याशी संपर्क होत नसल्याने संशय आला आणि त्यांनी नातेवाईकांना तिकडे पाठवले. सुरुवातीला अभिषेकने ती जत्रेला गेल्याची खोटी माहिती देऊन सर्वांना फसवले. मात्र पोलिसांच्या चौकशीत त्याचा बनाव उघड झाला.

हे ही वाचा : शेतकऱ्याने कर्जाच्या त्रासाला कंटाळून स्वत:ला पेटवून घेत जीवन संपवलं

सासऱ्याने यापूर्वीही केले होते गैरवर्तन

पोलिसांनी अभिषेकच्या सांगण्यावरून पोल्ट्री फार्ममधील पोत्यांच्या ढिगाऱ्याखालून कुजलेल्या अवस्थेतील मृतदेह बाहेर काढला. पीडितेच्या नातेवाइकांनी आरोप केला आहे की, लग्नानंतर काही काळापासून सासऱ्याची सुनेवर वाईट नजर होती आणि यापूर्वीही त्याने तिच्याशी गैरवर्तन केले होते. त्यावेळी समाजात बदनामी होईल या भीतीने आणि सासऱ्याने पाय धरून माफी मागितल्याने अभिलाषाच्या कुटुंबीयांनी त्याला माफ केले होते. मात्र, ज्याच्यावर विश्वास ठेवला तोच शेवटी तिच्या जीवावर उठला. सध्या पोलिसांनी पती अभिषेकला अटक केली असून मुख्य आरोपी सासरा टुनटुन मेहता अद्याप फरार आहे.