हे ही वाचा : बीड : घरातलं काम करत नाही म्हणून आई-वडिल रागावले, एकुलत्या एक मुलाने केली आत्महत्या

11 वर्षांपूर्वी कात्रीने भोसकून केली होती हत्या

आरोपी अजय हा मूळचा गुन्हेगारी पार्श्वभूमीचा असून त्याने 11 वर्षांपूर्वी एका वृद्ध व्यक्तीची कात्रीने वार करून हत्या केली होती. या खुनाच्या प्रकरणात तो सहा महिने तुरुंगात होता आणि नुकताच जामिनावर बाहेर आला होता. गावात तो स्वतःचे सलून चालवतो, मात्र त्याची नजर आपल्या चुलत भावाच्या पत्नीवर होती. याच कारणावरून मंगळवारी अजयचा चुलत भावासोबत जोरदार वाद झाला. यामुळे संतापलेल्या अजयने तिच्यावर ॲसिड फेकण्याचा प्रयत्न केला, मात्र हा हल्ला रोखण्यासाठी मध्ये आलेल्या एका महिलेवर आणि जवळच खेळणाऱ्या दोन लहान मुलींवर त्याने ॲसिड फेकले.

गुऱ्हाळ चालकाकडून मिळवले ॲसिड

पोलिस तपासात धक्कादायक माहिती समोर आली असून, या सलून चालकाने हा हल्ला करण्यासाठी लागणारे ॲसिड एका गुऱ्हाळ चालकाकडून मिळवले होते. ज्यांच्यावर त्याने हल्ला केला, त्या दोन लहान मुली नात्याने त्याच्या पुतण्यात आहेत.दीड आणि दोन वर्ष वयाच्या या लहान मुली आहेत. आरोपीने घरातच हा भीषण हल्ला केल्याने परिसरात दहशतीचे वातावरण पसरले आहे. याप्रकरणी पोलिसांनी गुन्हा दाखल केला असून गुन्ह्यात वापरलेल्या ॲसिडच्या संदर्भात त्या गुऱ्हाळ चालकाचीही चौकशी केली जात आहे.

हे ही वाचा : महाराष्ट्र विधानमंडळाला धमकीचे ई-मेल; मेट्रो स्टेशन, न्यायालय आणि विधान भवनावर हल्ल्याची धमकी

पोलिसांसमोर मोठे आव्हान

पोलिसांनी सांगितले की, आरोपी अजय अत्यंत सराईत गुन्हेगार असून त्याच्या अटकेसाठी पोलिसांची पथके ठिकठिकाणी छापेमारी करत आहेत. जामिनावर बाहेर येऊन पुन्हा अशा प्रकारचे गंभीर कृत्य केल्यामुळे पोलिसांसमोर त्याला पकडण्याचे मोठे आव्हान आहे. पोलीस तांत्रिक तपासाच्या मदतीने त्याचा शोध घेत असून लवकरच त्याला बेड्या ठोकल्या जातील, असा विश्वास व्यक्त करण्यात आला आहे.