वाशिम: कुख्यात गुंडाचा विहिरीत आढळला मृतदेह, 15 हून अधिक गुन्हे दाखल

हे ही वाचा : Astrology : 13 सप्टेंबरपासून बुध 'या' राशींसाठी लकी ठरणार

चराऊ जमिनीवरून काही कुटुंबातील व्यक्तींशी वाद

रिसोड पोलिसांनी तात्काळपणे पंचनामा करत प्रकरणाचा तपास सुरू केला होता. मृत व्यक्तीच्या पत्नीने सांगितलं की, पतीचे  मुंगसाजीनगर भागात चराऊ जमिनीवरून काही कुटुंबातील व्यक्तींशी वाद होता. पत्नीने दावा केला की, रात्री घटनास्थळी काही लोकांनी रात्री, जमिनीच्या वादावरून रमेश यांना जीवे मारण्याची धमकीही दिली होती. सकाळी 7 वाजण्याच्या सुमारास रमेश काळे हा आपल्या घरातून बाहेर पडला होता. काही वेळ निघून गेला असता, तो पुन्हा घरी परतलाच नाही. यामुळे पत्नी त्याचा शोध घेऊ लागली होती.  

हे ही वाचा : पतीचं 14 वर्षांच्या मुलीसोबत अफेअर, त्यानंतर घडली मर्डर मिस्ट्री

मृत व्यक्तीवर 15 ते 20 गुन्हे

काही वेळानंतर तपास केल्यानंतर परिसरातील स्मशानभूमीतील एका विहिरीत नवऱ्याचा मृतदेह आढळून आला होता. तोच मृतदेह बाहेर काढला आणि नंतर शवविच्छेदनासाठी पाठवला होता. मृत व्यक्तीच्या पत्नीने दाखल केलेल्या तक्रारीच्या आधारे, पोलिसांनी सहा जणांविरुद्ध गुन्हा दाखल केला असून इतर पाच जणांना ताब्यात घेतले.  मृत रमेश काळे हा एक कुख्यात गुन्हेगार होता आणि त्याच्यावर 15 ते 20 गुन्हे दाखल असल्याचे समजले आहे.